चितवन/भरतपुरको बालकुमारी कलेजलेविभिन्न संकायमा भर्ना भएका विद्यार्थीहरुलाई अभिमुखीकरण गरेको छ। कलेजले आज एक कार्यक्रमका आयोजना गर्दै बिएचएम , बिबिए र बिआईएम संकायमा भर्ना भएका विद्यार्थीहरूको लागि अभिमुखीकरण गरेको हो। विद्यार्थीहरूलाई शैक्षिक र प्रशासनिक संरचना पालना गर्नुपर्ने नियमहरू, कलेजका सुविधाहरू, र अध्ययन पछिको अवसर र क्षेत्रसँग परिचित गराउनु कार्यक्रमको उद्देश्य रहेको कलेजले जनाएको छ।
बालकुमारी कलेजको व्यवस्थापन समितिका अध्यक्ष प्रमोद कुमार श्रेष्ठको अध्यक्षतामा भएको सो कार्यक्रममा त्रिभुवन विश्वविद्यालयका सहायक डिन प्रा.दिलीप पराजुलीको प्रमुख आतिथ्यता रहेको थियो। उहाँले ब्याचलर इन होटेल म्यानेजमेन्ट( बिएचएम), बिबिए र बिआई एम संकायका विद्यार्थीहरुलाई अभिमुखीकरण गर्नुभएको थियो।
सो कार्यक्रममा बालकुमारी कलेजका प्रिन्सिपल जगदीश्वर खनाल, पूर्व प्रिन्सिपल शिवप्रसाद पौडेल, उप(प्राचार्य डा गुणराज क्षेत्री , ग्लोबल आईएमई बैंक वाग्मती प्रदेशका क्रेडिट प्रबन्धक लक्ष्मण पौडेल, सिद्धार्थ भिलासाका महाप्रबन्धक प्रकाश न्यौपाने, बिट म्याप सोलुसनका सीईओ सुदीप पराजुलीको सहभागिता रहेको थियो।
