काठमाण्डौँ/सिन्धुपाल्चोकको पाँचपोखरी थाङपाल गाउँपालिकामा सोमबार देखि सुरु भएको ‘स्थानीय सरोकार’ बिषयक अन्तरक्रिया एवं प्रशिक्षण कार्यक्रम सम्पन्न भएको छ । निगरानी दैनिक मिडिया प्रालिद्धारा संचालित स्थानीय सरोकारसँग गाउँपालिकाको सहकार्यमा भएको तीन दिने अन्तरक्रिया एवं प्रशिक्षण कार्यक्रम बुधबार सम्पन्न भएको हो । ‘बिकास निर्माण, सम्बृद्धि र पुर्ननिर्माणमा स्थानीय सरोकारको बलियो आधार’ भन्ने मुल नाराका साथ भएको कार्यक्रममा हरेक दिन चार सेसन कार्यक्रम भएको थियो । जसमा गाउँपालिकाको कार्यसम्पादन÷मुल्याङ्कन, मानव बेचविखन तथा ओसारपोसार नियन्त्रण, घरेलु हिंसा, सामाजिक कुरिती, वैदेशिक रोजगारीमा ठगि, बढ्दो साइबर अपराध नियन्त्रणमा बर्तमान रुप अबस्था, यस्ता अपराधबाट कसरी बच्ने ? तथा नमुना गाउँपालिका कसरी सवलिकरण र सक्षम र जनमुखी प्रशासन संचालन गर्ने भन्ने बिषयमा प्रशिक्षण दिइएको थियो । जसमा प्रशिक्षकका रुपमा नेपाल प्रहरीका विषयविज्ञ अब्बल प्रहरी कर्मचारीहरु साथै ३० बर्षसम्म कानुन कार्वान्यवन निकायमा काम गरेका कानुनी अघिवक्ताहरुले प्रशिक्षण दिएका थिए । प्रशिक्षकका रुपमा मानववेचविखन तथा ओसारपोसार कार्यालय ववरमहलका विषयविज्ञ प्रहरी नायव उपरिक्षक (डिएसपी) दिपक शााह, साइबर ब्यूरो भोटाहिटीका इन्जिनियर÷विषयविज्ञ प्रहरी निरिक्षक दिपा भट्टराई, कानुनी अघिवक्ता गोविन्द पन्थि उपस्थित थिए । कार्यक्रम पहिलो दिन गाउँपालिकाको कार्यपालिका कार्यालयको सभाहलमा, दोस्रो दिन थाङपाल भ्याली माध्यामिक विद्यालय र भोताङ्ग देवि माध्यामिक विद्यालयमा, तेस्रो दिन भोटे नामलाङ्ग माध्यामिक विद्यालय र श्री भिमविद्याश्रम माध्यामिक विद्यालयमा भएको थियो । गाउँपालिकाका अध्यक्ष टासी लामाले कार्यक्रमका स्थानीय पालिका र पालिकावासीको बिकास, सम्बृद्धि र क्षमता अभिबृद्धिका साथै सम्भावित अपराध न्युनीकरणका निम्ती निकै महत्वपूर्ण रहेको भन्दै प्रशंसा गरे । ‘हाम्रो समाजमा पुस्तौँदेखि महिला हिंसा, सामाजिक कुरिती तथा घरेलु हिंसा जस्ता अपराध त हुँदै आएको सर्वविधितै छ । तर, पछिल्लो समय प्रबिधिको बिकास सँगै साइबर अपराध, मानव बेचविखन, वैदेशिक रोजगारीमा ठगि जस्ता थुप्रै अपराधहरु पछिल्लो समय बढ्दै गएको छ’, अध्यक्ष लामाले भने, ‘यि यस्ता सम्भावित अपराध न्युनीकरणका लागि यस प्रशिक्षण तथा अन्तरक्रिया कार्यक्रम अत्यन्तै महत्वपूर्ण सावित हुनेछ ।’ समाजमा हुने गरेका यस्ता अपराधिक घटना न्युनीकरण तथा न्यायिक प्रक्रियाका लागि गाउँपालिकाले विभिन्न निकायसँगको सहकार्यमा काम गरिरहेको र यस्लाई निरन्तर गर्ने उनले प्रतिवद्धता गरे । सन्चारकर्मी जीवन शर्माले संचालन गरेको उक्त कार्यक्रममा प्रमुख अतिथि गाउँपालिकाका अध्यक्ष लामा, विशिष्ट अतिथि गाउँपालिकाकी उपाध्यक्ष सुनिता अधिकारी, गाउँपालिकाका प्रमुख प्रशसकीय अधिकृत लक्षमण कुँइकेल, गाउँपालिकाका प्रमुख सल्लाकार शिशिर वाइवा, गाउँपालिकाका प्रवक्ता तथा वडा नम्बर ६ का वडाध्यक्ष नारायण भट्टराई उपस्थित थिए । यस्तै, गाउँपालिकाका वडाध्यक्षहरु आलोक कुमार स्याङ्वो, बाबुलाल स्याङ्वो, निमा छिरिङ, विष्ण बहादुर खड्का, वडाका वडा सचिवहरु, पालिकाका विभिन्न विभागीय प्रमुख, कार्यापालिका सदस्य तथा कर्मचारीहरु, पालिका अन्तरर्गतका विद्यालयका प्रधानाध्यापकहरु, स्थानीय बुद्धिजिवी, सरोकारवाला लगायतको उपस्थिती थियो । कार्यक्रमले बोल्दै थाङपाल भ्याली माध्यामिक विद्यालय व्यवस्थापन समितीका अध्यक्ष सुन्दर सापकोटाले भविष्यका देशका कर्णधार मानिने विद्यार्थीहरुको भविष्यमा आइपर्ने सम्भावित अपराधिक जोखिम न्युनीकरण सँगै राष्ट्टका लागि सचेत तथा उत्कृष्ट जनशक्ति उत्पादनमा कोसेढुङ्गा सावित हुने बताए ।