भरतपुर/नेपाल रेडक्रस सोसाइटी लंकु उपशाखाको आयोजनामा शनिवार वृहत्त खुल्ला रक्तदान कार्यक्रम भरतपुर–४ जेम्स फर्नपार्क नजिक सम्पन्न भएको छ । उपशाखाका सभापति बद्रीनाथ पोखरेलको अध्यक्षतामा सम्पन्न कार्यक्रममा भरतपुर महानगरपालिका उप–प्रमुख चित्रसेन अधिकारी प्रमुख अतिथि रहनु भएको थियो । भने, विशिष्ट अतिथिमा नेपाल रेडक्रास सोसाइटी चितवन शाखाका सभापति हरिप्रसाद पौडेल रहनुभएको थियो ।
कार्यक्रमका प्रमुख अतिथि भरतपुर महानगरपालिका उप–प्रमुख चित्रसेन अधिकारीले चितवन मेडिकल सिटीको रुपमा विकास भईरहेको सन्दर्भमा चितवन आसपासमा हुने सडक दुर्घटना लगायत विभिन्न प्रयोजनको लागि रगतको अत्याधिक माग हुने भएकोले रक्तदान कार्यक्रमहरुलाई अझै बढाउनु पर्ने बतानुभयो । उहाँले रक्तदानबाट जम्मा हुने रगतलाई वास्तविक आवश्यक हेरेर रगतको अभाव हुन नदिन आवश्यक पहल गरिनुपर्ने बताउनुभयो ।
कार्यक्रमा रेडक्रसक्रमी, समाजसेवी, राजनीतिक दलका प्रतिनिधि, जनप्रतिनिधि, युवा, व्यवसायी, शिक्षाप्रेमी लगायतको उल्लेख्य उपस्थिति रहेको थियो । कार्यक्रममा १ जना महिला सहित ५९ जनाले रक्तदान गरेका थिए ।
नेपाल रेडक्रस सोसाइटी लंकु उपशाखाका सभापति बद्रिनाथ पोरखेलले स्वागत गर्नुभएको कार्यक्रममा विशिष्ट अतिथि हरि प्रसाद पौडेलले रक्तदानको महत्व र प्रयोगको बारेमा आफ्नो धारणा राख्नुभएको थियो ।
रक्तदान कार्यक्रममा जनप्रतिनिधि विजय सापकोटा, पार्टीहरुको तर्फबाट नेकपा एमाले वडा–४ का अध्यक्ष महेन्द्र पौडेल, वे गु्रप नेपालका अध्यक्ष दिपक गौतम, उपशाखाका पूर्व सभापति प्रेम कुमार गैरे, रक्तदान अभियान्त दिपक कश्यप, युवा व्यवसायी चन्दन अग्रवाल लगायतले शुभकामना व्यक्त गर्नुभएको थियो । नेपाल रेडक्रस सोसाइटी लंकु शाखाका सदस्य बिष्णु भक्त न्यौपाने र खेलकूद विकास समिति वडा नं. ४ का संयोजक शुभाष भण्डारीले संयोजन गर्नुभएको कार्यक्रमलाई नेपाल रेडक्रस सोसाइटी लंकु शाखाका सचिव देवेन्द्र पौडेलले सञ्चालन गर्नुभएको थियो ।