भरतपुर/ विगत ८ वर्षदेखि भरतपुर–१०, चौबीसकोठीमा आफ्नो मुख्य कार्यालय रही सञ्चालनमा रहँदै आएको क्याची टुर्स एण्ड ट्राभल्सले भरतपुर–१०, सप्तगण्डकीचोकबाट नयाँ व्यवस्थापनका साथ आफ्नो सेवालाई बिस्तार गरेको छ । ग्राहकहरुको चाहना र विश्वासको कदर गर्दै क्याचीले ग्राहकहरुलाई पायक पर्ने स्थान, प्रशस्त पार्किङ सुविधा, सहज र सुलभ रुपमा राष्ट्रिय तथा अन्तर्राष्ट्रिय हवाई टिकट, भारतका विभिन्न धार्मिक स्थलहरुका लागि हवाई तथा टे«न (रेल) को टिकटका साथै ट्राभल्स सम्बन्धि जुनसुकै क्षेत्रको जानकारी सहित परामर्श सेवा प्रदान गर्ने उद्देश्यका साथ नयाँ व्यवस्थापनका साथै आफ्नो सेवा बिस्तार गरेको क्याची टुर्स एण्ड ट्राभल्सका प्रबन्ध निर्देशक राहुल कुमार सिंहले जानकारी दिनुभयो ।
चितवनलाई मुख्य कार्यक्षेत्र बनाई टुर्स र ट्राभल्सको क्षेत्रमा चितवन आसपासका ग्राहकहरुलाई सेवा प्रदान गर्दै आएको टुर्स एण्ड ट्राभल्सले ग्राहकहरुको विश्वास जित्न सफल रहेको कारण पूर्वी नेपालको विराटनगरबाट समेत आफ्नो सेवा दिदै आएको छ ।
टुर्स र ट्राभल्सको क्षेत्रमा छुट्टै पहिचान बोकेर सेवा दिदै आएको क्याचीले देशका मुख्य–मुख्य शहरहरुमा आफ्नो सेवालाई बिस्तार गर्ने योजना समेत बनाएको सिंहले बताउनुभयो ।
सेवामूलक उद्योगका रुपमा रहेको क्याचीबाट आन्तरिक तथा बाह्य पर्यटकलाई सहज रुपमा हवाई टिकट देखि जिल्ला भित्रका साथै जिल्ला वाहिर काठमाण्डौं पोखरा, मुस्ताङ, मुक्तिनाथ, लुम्बिनी, कालिञ्चोक, रारा लगायतका पर्यटकीय स्थानहरुमा घुम्न जान चाहने पर्यटकहरुको लागि टुर प्याकेज, होटल बुकिङ, हवाइ टिकट, जिप उपलब्ध गराउँदै आएको क्याचीले हिमाल आरोहण तथा नेपाल भारत, भुटान, तिव्वतका उच्च पहाडी भेगमा ट्रेकिङ जान चाहने आन्तरिक तथा विदेशी पर्यटकहरुलाई समेत सेवा दिने योजनाका साथ आफ्नो सेवालाई झन बिस्तार गर्दै आएको छ ।
