भरतपुर/चितवन अटोमोवाईल डिलर्स एसोशियशन (काडा)ले आयोजना गरेको काडा अटो एक्स्पो २०८१ मा गाडी, मोटरसाइकल तथा स्कुटर खरीद गर्ने ग्राहकहरु मध्येबाट गरिएको लक्की ड्र अन्र्तगत आडिया स्कुटर खरिद गर्ने अनिषा घिमिरे प्रथम, बिवाईडि गाडी खरिद गर्ने डा.सुवकान्त गौतम द्धितीय र एमजी गाडी खरिद गर्ने ईश्वर महतो तृतीय भएका छन् ।
पुरस्कार वितरण कार्यक्रममा चितवन अटोमोवाईल डिलर्स एसोशियशन (काडा)का अध्यक्ष राजन पियाले प्रथम हुनेलाई हेभेल्स ब्राण्डको ६ के.जि.को फन्ट ओपन वासिङ मेशिन, द्धितीय हुनेलाई हेभेल्स ब्राण्डको ६.५ के.जि.टप ओपन वासिङ मेशिन र तृतीय हुनेलाई भ्याकुम क्लिनर प्रदान गर्नुभएको थियो । त्यस्तै मेला अवलोकनकर्ताहरु मध्ये लक्की ड्र मार्फत सुरेन्द्र तामाङ्ग र राजन कंडेललाई एक–एक थान टोस्टर समेत प्रदान गरिएको थियो ।
चितवन उद्योग संघको सहकार्यमा चितवन प्रर्दशनी केन्दमा अटोमोवाईल व्यवसायको प्रवद्र्धन तथा व्यवस्थापन गर्ने उद्देश्यका साथ असोज १६ गतेदेखि असोज १९ गतेसम्म एक्स्पोको आयोजना गरिएको थियो । एक्स्पोमा विभिन्न कम्पनीका ९८ वटा गाडी बिक्री तथा बुकिङ्ग हुनुको साथै ४२ वटा स्कुटर, मोटरसाइकल बिक्री भएका थिए ।