भरतपुर/तमु ह्युल छोंज धी गुरुङ राष्ट्रिय परिषद् जिल्ला कार्यसमिति चितवनको आयोजनामा भेटघाट तथा परिचय कार्यक्रम सम्पन्न भएको छ ।
महाबौद्ध गुम्बा तीनखोलेमा भएको कार्यक्रममा जिल्लामा रही विभिन्न संघ–संस्थामा आवद्ध रहनुभएका विशिष्ट व्यक्तित्वहरुको सहभागिता रहेको थियो । छलफलका क्रममा हाल विश्वव्यापी रुपमा रहेको कोरोना भाइरस (कोभिड–१९) ले समाजमा पारेको समस्या र यसको समाधानका विषयमा समेत छलफल गरिएको थियो ।

जिल्ला अध्यक्ष गणेश बहादुर गुरुङको अध्यक्षतामा सम्पन्न भेटघाट तथा परिचय कार्यक्रममा जिल्ला प्रहरी कार्यालयका प्रमुख नान्तिराज गुरुङ, नेपाली काग्रेसका नेता टेकप्रसाद गुरुङ लगायतको सहभागिता रहेको तमु ह्युल छोज धी गुरुङ राष्ट्रिय परिषद् बाग्मती प्रदेश सदस्य कृष्ण बहादुर गुरुङले जानकारी दिनुभयो ।