भरतपुर/भरतपुर महानगरका उप प्रमुख चित्रसेन अधिकारीले नेपालको अर्थतन्त्रमा सहकारीय बाढी आएको टिप्पणी गरेका छन् । नेपालको सिङ्गो अर्थतन्त्रलाई नै तहसनहस बनाउने गरि सहकारी क्षेत्रमा बाढी आएको उनले उल्लेख गरे । मिलिजुली बहुउद्देश्यीय सहकारी सस्था भरतपुर ७ को २६ औं बार्षिक साधारणसभालाई शुक्रबार भरतपुरमा सम्बोधन गर्दै उप प्रमुख अधिकारीले देशमा पछिल्लो समय आएको बाढिपहिरो भन्दा सहकारीको क्षेत्रमा आएको बाढि कयौं गुढा शक्तिशाली भएको पनि प्रष्ट पारे । “देश भित्र भित्रै खोक्रो भइसक्यो यसको बेलैमा उपचार गर्न जरुरी छ” उनले भने, यदि सहि उपचार हुन सकेन भने हामी वास्तविक आर्थिक बिपदसग सामना गर्न तयार रहनुको विकल्प रहदैन । कार्यक्रममा सस्थाका सचिब राजेन्द्र बाबु ढकालले आर्थिक बर्ष २०८०/८१ को सचिबको प्रतिवेदन एवं ऋण उपसमितिको प्रतिवेदन,कोषाध्यक्ष मिननाथ सिग्देलले आर्थिक बर्ष ८०/८१ को आय ब्यय तथा आर्थिक बर्ष ८०/८१ को अनुमानित बजेट प्रस्तुत गरेका थिए । त्यस्तै लेखा सयोजक सरोज बाबु ढकालले आर्थिक बर्ष २०८०/८१ को लेखा सुपरिवेक्षण समितिको प्रतिवेदन,ब्यापार उपसमितिका सयोजक रामचन्द्र चालिसेले ब्यापार उपसमितिको प्रतिवेदन प्रस्तुत गरेका थिए । कार्यक्रममा भरतपुर ७ का वडा अध्यक्ष राजेन्द्र मणि काफ्ले,सस्थाका निबर्तमान अध्यक्ष रामजी पौडेल, सल्लाहकार बिनोद बाबु ढकाल लगाएतले शुभकामना मन्तव्य व्यक्त गरेका थिए ।