भरतपुर/चितवनका उद्योगी व्यवसायीहरुको छाता संस्था उद्योग वाणिज्य संघ चितवनले महिला उद्यमी  व्यवसायीहरुलाई आयकर तथा मूल्य अभिवृद्धि करसम्बन्धी  २ दिने अभिमुखिकरण कार्यक्रम आज सम्पन्न गरेको छ । उद्योग वाणिज्य संघ–चितवनको आयोजना एवम् जिआईजेड रासको प्राविधिक सहयोगमा असोज ६ र ७ गते भरतपुर महानगरपालिका वडा नं ११ वसेनी स्थीत मलेवा व्यङ्कोइटमा कार्यक्रम भएको हो । महिला उद्योगी व्यवसायीहरुलाई आयकर तथा मूल्य अभिवृद्धि करका साथै करका नीति नियमका बारेमा जानकारी गराउने उद्देश्यले कार्यक्रम आयोजना गरिएको थियो ।
कार्यक्रममा स्वागत मन्तव्य व्यक्त गर्दै उद्योग वाणिज्य संघ–चितवनका अध्यक्ष सुमनकुमार श्रेष्ठले व्यवसायिक सफलता प्राप्त गर्न करका नीति नियमहरूको बारेमा व्यवसायीहरूलाई जानकारी हुनपर्ने बताउँदै उहाँले सक्रिय रुपमा सहभागि भई लाभान्वित हुनका साथै जिज्ञासा लागेको कुरा निर्धक भएर प्रशिक्षकज्यूहरूलाई सोध्न सहभागिहरूलाई अनुरोध गर्नु भयो । कार्यक्रममा उहाँले संघले आफ्ना सदस्य व्यवसायीहरुलाई निरन्तर रुपमा कर शिक्षा प्रदान गर्दै आइरहेको शिलशिलामा यस किसिमको कार्यक्रमको आयोजना गरेको भन्दै आगामी दिनमा पनि यस किसिमका कार्यक्रमलाई निरन्तरता दिने बताउनु भयो ।
कार्यक्रमको प्रमुख अतिथि आन्तरिक राजश्व कार्यालय भरतपुरका प्रमुख कर अधिकृत पुण्य विक्रम खड्काले कर प्रणालीमा डे १, डे २ र डे ३ अनलाईन सिस्टमा गई सकेकोे जानकारी गराउदै उहाँले व्यवसायीलाई आफ्नो व्यवसायको कर तिर्न मध्यस्थकर्ता नलगाई आफै कर दाखिला गर्न सक्ने बन्न व्यवसायीहरूलाई अनुरोध गर्दै उहाँले करका बारेमा बजारमा आएको समस्याका विषयलाई ध्यानमा राखेर सिकाउनु पर्ने बताउँदै कार्यक्रमको  सफलताको शुभकामना व्यक्त गर्नुभयो । सोही अवसरमा बोल्दै प्रमुख कर अधिकृत खड्काले राज्य स्तरबाट प्रदान गर्नुपर्ने प्रशिक्षण कार्यक्रम निजी क्षेत्रको पहलमा गरिएको भन्दै संघ प्रति आभार व्यक्त गर्दै सहकार्य गर्दै अगाडि बढ्ने प्रतिवद्धता समेत व्यÏ गर्नुभयो ।
कार्यक्रममा जिआईजेड रासका फिनानसियल म्यानेजमेन्ट एण्ड एडमिनिस्ट्रेशन एडभाईजर नविन लाल श्रेष्ठले चितवनका महिला उद्यमी व्यवसायीहरुलाई आयकर, मु.अ. कर, मिसम्याच लगायत करका नीति नियमका बारेमा जानकारी गराउन यस तालिमको लागि उद्योग वाणिज्य संघ–चितवन सँग सहकार्य गरेको बताउनु भयो । उहाँले आगामी दिनहरूमा पनि कर सम्बन्ध कार्यक्रममा उद्योग वाणिज्य संघ–चितवन सँग सहकार्य गर्न सकिने बताउनु भयो ।
दुई दिन सम्म सञ्चालित तालिम तथा अभिमुखिकरण कार्यक्रममा उद्योग वाणिज्य संघ–चितवनका राजश्व सल्लाहकार सिए विमान कार्की लगायत सिए विकास तिवारी, सिए विशाल भट्टराईले, सिए सजिता अधिकारी, सिए कमल सुवेदी र कविता चौधरीले कार्यक्रमको मध्यस्तकर्ता रहनु भएको थियो ।
कार्यक्रममा संघको कर्मचारी पवित्रा अर्यालले उद्योग वाणिज्य संघ–चितवनद्धारा आन्तरिक राजश्व कार्यालय परिसर भित्र सञ्चालित कर सहायता कक्षबाट उद्योगी व्यवसायीलाई दिईने सेवाका बारेमा जानकारी गराउनु भएको थियो ।
कार्यक्रममा उद्योग वाणिज्य संघ–चितवनका वरिष्ठ उपाध्यक्ष चिरञ्जीवी सुवेदी, प्रथम उपाध्यक्ष राजेन्द्र ओली, संघका कार्यकारी निर्देशक निलबहादुर केसी, महिला उद्यमी विकास समिति संयोजक अस्मिता तिमिल्सिना लगाएत महिला उद्योगी व्यवसायी गरी करिव ८५ जनाको सहभागिता रहेको थियो ।
उद्योग वाणिज्य संघ–चितवनका अध्यक्ष सुमानकुमार श्रेष्ठको अध्यक्षता एवम्  द्वितीय उपाध्यक्ष अशोक अधिकारीले धन्यवाद ज्ञापन सहित समापन गर्नुभएको कार्यक्रमको उद्घाटन सत्र संघका कार्यक्रम अधिकृत गणेश सुवेदीले सञ्चालन गर्नुभएको थियो ।