चितवन/भरतपुर १३ मा निकुञ्ज ऐन २०२९ का कारण वडाको बिकासमा समस्या भएको छ । प्रयाप्त बजेट अभावमा ग्रामीण क्षेत्रको अवस्था दुरगामी बनेको हो । भौगोलिक भू-बनावटका हिसाबले समेत विभिन्न पूर्वाधारको अभाव रहँदै आएको स्थानीयले गुनासो गरेका छन् । राप्ती किनार र सामुदायिक वनसंगै जोडिएका केही बस्तीहरुमा बाढी पहिरो र जंगली जनावरको समस्या बढी रहेको भरतपुर १३ का वडाध्यक्ष प्रकाश दवाडीले बताउनुभयो ।

वडा क्षेत्रभित्र भएका सार्वजनिक जमिनहरु समेत  मध्यवर्तीको मातहतमा भएकाले वडाको स्वामित्वमा नरहेको बताउनुभयो । निकुञ्ज ऐनकै कारण मध्यवर्ती क्षेत्रभित्र परेका सार्वजनिक जग्गाहरुलाई चाहेरपनि खेलमैदान र पार्कको रूपमा बिस्तार गर्न नसकिएको गुनासो गर्नुभयो।

राप्ती किनारका तटिय क्षेत्रहरुमा व्यवस्थित तटबन्धन हुन नसक्दा अझैपनि बर्षातको समयमा मानवबस्ती र खेतीयोग्य जमीन जोखिममा पर्ने गरेको दवाडीको भनाइ छ । सामुदायिक वनहरुमा तारबार र मेसजाली आदिको व्यवस्था नहुँदा जंगली जनावरको बिगबिगी  हुने गरेको छ ।