भरतपुर/चितवन उद्योग संघ, महिला उद्यमी मञ्चको आयोजनामा चितवन प्रदर्शनी केन्द्र भरतपुरमा भाद्र ०७ गतेदेखि सञ्चालित दोश्रो तीज विशेष उद्यमशिल एक्स्पो तथा व्यापार मेला–२०८१ को दोश्रो दिन महिला उद्यम प्रबद्र्धनमा नविकरणकीय उर्जाको भूमिका विषयमा प्यानल छलफल कार्यक्रम सम्पन्न भएको छ ।
नेपाल नविकरणीय उर्जा कार्यक्रमका डेपुटी टिम लिडर प्रेम सागर सुवेदी कार्यक्रममा मोडरेटरको रुपमा रहनुभएको थियो । सुवेदीले नवीकरणीय उर्जा तथा उर्जा दक्षतामा दिगो उर्जा चुनौती कोष सम्बन्धि प्रस्तुतीकरण समेत गर्नुभएको थियो ।
कार्यक्रममा प्यानलिष्टको रुपमा बैकिल्पक उर्जा प्रबद्र्धन केन्द्रकी डेपुटी डाइरेक्टर शुभलक्ष्मी श्रेष्ठ, जण्डा देवी नेपाल इनर्जी प्रा.लि.का टेक्निकल डाईरेक्टर कदम मनी नेपाल, एनएमबि बैंकका ब्रान्च म्यानेजर राम बहादुर साउद, अन्नपूर्ण एग्रो फुड्क्सका प्रोपाइटर प्रतिभा श्रेष्ठ रहनु भएको थियो । छलफलमा सहभागीहरुबाट आएका जिज्ञासाहरुलाई सम्बन्धित क्षेत्रका विज्ञहरुले समाधान गर्नुभएको थियो । महिला उद्यमी मञ्चकी अध्यक्ष सृजना सोतीको अध्यक्षतामा सम्पन्न कार्यक्रमलाई चितवन उद्योग संघ, पाठशाला अधिकृत कल्पना आचार्यले सञ्चालन गर्नुभएको थियो ।