भरतपुर ८ र ९ मा रहेको बनदेवी बरण्डाभार मध्यवर्ती सामुदायिक बन उपभोक्ता समुहले सोमबार २९ औ स्थापना दिवस मनाएको छ । २०५२ सालमा स्थापना भइ भरतपुर महानगरपालिकाको दुइ वटा वडा ८ र ९ नम्बरका स्थानीय बासिन्दाहरुलाइ प्रत्यक्ष रुपमा फाइदा पुर्याउन समुहको स्थापना भएको अवसरमा स्थापना दिवस मनाइएको समुहले जनाएको छ । कार्यक्रमको भरतपुर महानगरका उप प्रमुख चित्रसेन अधिकारीले बहु बर्षिय रुख कटहरको बिरुवा बृक्षारोपण गरेर उद्वघाटन गर्नुभएको थियोे । उद्वघाटन समारोहलाई सम्बोधन गर्नुहुदै नगर उप प्रमुख अधिकारीले बन र बन्यजन्तुको सरक्षण आजको टड्कारो आबश्यकता भएको उल्लेख गर्नुभएको छ । उहाँले भरतपुर महानगर भित्र रहेका सामुदायिक बनहरुले सरक्षणको क्षेत्रमा कुनै पनि कन्जुस्याइँ नराखी आफू र सस्था भन्दा माथी उठेर काम गर्नुपर्ने धारण व्यक्त गर्नुभयो । समुहका उपाध्यक्ष रामचन्द्र पोखेलले स्वागत मन्तब्य राख्नुभएको कार्यक्रममा अध्यक्ष ज्ञान प्रसाद श्रेष्ठले सामुदायिक बनको चुनौती र अवस्थाको बारेमा प्रकाश पार्नुभएको थियोे । कार्यक्रममा भरतपुर ८ का अध्यक्ष जिवनाथ कडेल,९ का अध्यक्ष यमलाल कडेल,बनका सस्थापक अध्यक्ष पुर्ण बहादुर रानाभाटले समुदायमा सामुदायिक बनहरुले खेलेको भुमिका र महत्त्वका बारेमा मन्तव्य राखेका थिए । कार्यक्रममा यस अघि सम्पन्न भएको हाजिर जवाफ प्रतियोगिताका प्रतियोगी बिजेताहरुलाई पुरस्कार एवं सम्मान गरिएको थियोे ।
