भरतपुर/वागमती प्रदेश उद्योग परिसंघ र चितवन उद्योग संयुक्त आयोजनामा भी.एफ.डी. सम्वन्धि कामदारहरुको लागि थप सिप तालिमको समापन गरिएको छ ।  बागमती प्रदेश उद्योग परिसंघका बरिष्ठ उपाध्यक्ष त्रिलोचन कँडेलको अध्यक्षतामा सम्पन्न तालिम समापन कार्यक्रममा चितवन उद्योग संघका उपाध्यक्ष गजेन्द्र अधिकारीले स्वागत मन्तब्य राख्नु भएको थियो ।
कार्यक्रममा इन्स्योर परियोजनाका टेकनिकल कोअडिनेटर चक्रपाणी तिमिल्सिनाले तालिममा सिकेका कुराहरुलाई व्यवहारमा लागु गर्न अनुरोध गर्दे आगामी दिनमा प्रशिक्षार्थिहरुको आवश्यकता अनुसार करिकुलम परिबर्तन गर्न सकिने जानकारी दिनुभएको थियो ।
त्यस्तै प्रशिक्षक ई अनुज कुमार रौनियारले सम्पुर्ण सहभागीलाई कार्यक्रममा सहभागी भएकोमा धन्यबाद ब्यक्त गर्दे आगामी दिनमा आवश्यकता अनुसारको प्रशिक्षण दिने प्रतिवद्धता ब्यक्त गर्नु भयो । प्रशिक्षार्थीहरुको तर्फबाट शुशील अधिकारी, भगवान मल्ल संगम घिमिरेले तालिम निकै फलदायी र उपयोगी भएको साथै अझै यो भन्दा थप तालिम आबश्यक रहेको कुरा समेत बताउनुभयो । तालिम समापन कार्यक्रममा बागमती प्रदेश उद्योग परिसंघ महिला उद्यमी समिति अध्यक्ष चन्दना कोइराला,चितवन उद्योग संघ प्रशासकिय अधिकृत गोविन्द प्रसाद पौडेल , बाग्मती प्रदेश उद्योग परिसंघका प्रशासकिय व्यवस्थापक जगन्नाथ लामीछाने लगायतको उपस्थिति रहेको थियो । तालिम जेष्ठ १८ गतेदेखि सञ्चालन भएको थियो ।
चितवन उद्योग संघका पाठशाला अधिकृत कल्पना आचार्यले सञ्चालन गर्नुभएको कार्यक्रमलाई बागमती प्रदेश उद्योग परिसंघका बरिष्ठ उपाध्यक्ष त्रिलोचन कँडेलले धन्यवाद मन्तव्य सहित प्रशिक्षार्थिहरुलाई आफ्नो ज्ञान अरुमा पनि बाड्न अनुरोध गर्दे कार्यक्रमलाई समापन गर्नुभएको थियो ।