खैरहनी/चितवन उद्योग संघ, खैरहनी समिति, महिला उद्यमी मञ्चको आयोजनामा “मेरो दृष्टिकोण तनावमुक्त, हिंसामुक्त र अपराधमुक्त समाज निर्माण गर्ने हो” भन्ने उद्देश्यका साथ द आर्ट अफ लिभिङको ६ दिने खुशी कार्यक्रम ९ह्याप्पीनेस प्रोगाम०को एक कार्यक्रमका बीच समापन गरिएको छ ।
पवन नेपाल प्रमुख प्रशिक्षकको भूमिकामा रही सञ्चालन गरिएको कार्यक्रममा ६ दिन नै सहभागीहरुको सक्रिय सहभागिता रहेको थियो ।
कार्यक्रमको समापनको अवसरमा आफ्ना भनाईहरु शेयर गरेका अधिकांश सहभागीहरुले एड्भान्स कोर्ष गर्नको लागि आफूहरु पूर्ण रुपमा तयार रहेको र जतिसक्दो छिटो एड्भान्स कोर्षका लागि वातावरण मिलाईदिन आयोजकलाई आग्रह गरेको चितवन उद्योग संघ, खैरहनी समिति, महिला उद्यमी मञ्चकी अध्यक्ष जिनिता बस्नेतले बताउनुभयो ।
सधैं व्यस्त, भागडौडका कारण शारीरिक, मानसिक लगायतका समस्याहरुबाट ग्रसित जुनसुकै तह, तप्का, क्षेत्रका व्यक्तहरुको लागि यो कार्यक्रम उपयुक्त हुने भएकोले कार्यक्रममा उपस्थितिको संख्या र चासो उत्तिकै रहेको चितवन उद्योग संघ, खैरहनी समितिका अध्यक्ष युवराज पाठकले बताउनुभयो ।
६ दिनसम्म चलेको शिविरमा मनको शान्ति, मानसिक स्पष्टता, शारीरिक स्वास्थ्य सुधार, सहज ज्ञान युक्त कौशलहरू, व्यक्तिगत मन्त्रमा आधारित ध्यान प्रविधि, दिमागमा अशान्ति पैदा गर्ने कारकहरू र उपायहरू पहिचान, विभिन्न खानाहरूले दिमाग र विचारहरूलाई कसरी असर गर्छ भन्ने लगायतका शीर्षकमा प्रशिक्षण गरिएको थियो ।
एकसय ५० भन्दा बढीको सहभागिता रहेको कार्यक्रममा प्रशिक्षक अन्जु शर्मा लगायत द आर्ट अफ लिभिङका सदस्यहरु, चितवन उद्योग संघ, खैरहनी समितिका पदाधिकारी एवम् सदस्यहरु, महिला उद्यमी मञ्च खैरहनीका पदाधिकारी एवम् सदस्य लगायतका व्यक्तिहरुको सहभागिता रहेको थियो ।