चितवन/चितवनमा समाबेशी शिक्षा परियोजनाद्वारा संचालित राष्ट्रिय बहिरा महासंघ नेपालले बिद्यार्थी भर्ना अभियान सम्बन्धि रेडियो नाटक प्रसारणमा ल्याउने भएको छ । जटिल प्रकारका अपांगता भएका बालबालिकाहरुका लागि मध्येनजर गर्दै राष्ट्रिय बहिरा महासंघ नेपालले विद्यालय जान नसक्ने वा बिद्यालय भर्ना हुनबाट बन्चित भएका बालबालिकाहरुका लागि सचेतनास्वरुप नाटक प्रसारण गर्ने भएको हो । उक्त नाटक आगामी शनिबार कालिका एफएमवाट बिहान ०८:१५ मा प्रसारण हुनेछ । भने यसको पुनः प्रसारण शनिबार बिहान ०८:१५ मा र मंगलबार साँझ ०७:३० मा प्रसारण हुनेछ । “सबै बालबालिकाको बिद्यालयमा सहभागीता, गुणस्तरीय शिक्षा प्राप्तिको सुनिश्चितता” भन्ने नारा सहित अपाङ्गता भएका बालबालिकाको बिद्यालय भर्ना सम्बन्धि रेडियो नाटक प्रसारण गर्न लागिएको राष्ट्रिय बहिरा महासंघ नेपालका तालिम अधिकृत उत्तम गुरुङले जानकारी दिनुभयो । उहाँका अनुसार, रेडियो नाटक वे टु स्कुल समाबेशी शिक्षा परियोजना अन्तरगत भरतपुर महानगरपालिका र कालिका नगरपालिकासंगको समन्वयमा राष्ट्रिय बहिरा महासंघ नेपालले तयार पारेको हो ।
यस नाटकमा सबै बिद्यालयहरुमा समाबेशी शिक्षा लागू गराई सबै प्रकारका बालबालिकाहरुको पढ्न पाउने अधिकारको सुनिश्चितता गराउनुपर्छ भन्ने उदेश्यलाई नाटकमा पात्रहरुले भूमिका खेलेको यस नाटकका परिकल्पना, लेखन एवं निर्देशक अन्जान प्रदीपले जानकारी दिनुभयो । उहाँका अनुसार, यस नाटकमा आश्ना सापकोटा, रोसिका तामाङ, रश्मि चौधरी, विशाल सापकोटा, निशा राना मगर, ज्ञानेन्द्र प्रजा, सहसा खनाल र उत्तम गुरुङको अभिनय रहेको छ । यसलाई परिकल्पना र निर्देशन अन्जान प्रदीपले गर्नुभएको हो । भने रेडियो कार्यक्रम समाबेशी शिक्षा पत्रकार अजित अधिकारीले संचालन गर्दै आइरहनुभएको छ ।
