भरतपुर/आर्थिक बर्ष ०८१/०८२ को पुर्वसन्ध्यामा भरतपुर महानगरपालिकाले अर्थ बिज्ञ र निजी क्षेत्रसग छलफल तथा अन्तरक्रिया गरेको छ । महानगरपालिकाले आर्थिक बर्ष ०८१/०८२ का लागि राजश्व सकलनका सम्बन्धमा निजि क्षेत्र र अर्थ बिज्ञहरुसग छलफल गरेको हो । महानगरपालिकाले बिहिवार यहाँका निजि क्षेत्र तथा बिज्ञहरुसग आर्थिक बर्ष ०८१/०८२ का लागि राजश्व सकलनका सम्बन्धमा कस्तो अवधारणा अपनाउन सकिन्छ भनेर छलफलको आयोजना गरेको जनाएको छ । प्राध्यापक डाक्टर अच्युत वाग्लेले बैज्ञानिक कर सकलनका लागि असल नीति आबश्यक रहेकोे बताउनु भयो । जहाँ असल नीति स्पष्ट हुन्छ त्यहाँको राजश्व सकलन कार्यले तिब्रता पाउछ वाग्लेले भन्नुभयो ।

भरतपुर महानगरपालिकाले असल नीति बनाएर राजश्व सकलन गर्न सक्छ वाग्लेले भन्नुभयो,त्यसको सिको देशका अन्य महानगर र पालिकाहरुले गर्ने छन् । राजश्व नीति बनाउदा साना तथा मझौला ब्यबसाय तथा उद्योगहरुलाइ समेटेर लैजानुपर्ने धारणा उहाँको थियोे । त्यसका लागि नियमित बजार अनुगमन निकै प्रभावकारी हुनेछ । छलफलमा महानगरको राजश्व ब्यबस्थापन महाशाखा प्रमुख जगन्नाथ अर्यालले आर्थिक बर्ष ०८१/०८२ को महानगरपालिकाको आन्तरिक राजश्व नीतिका सम्बन्धमा कार्यपत्र प्रस्तुत गर्नुभएको थियोे । कार्यक्रमको अध्यक्षता गर्नुभएका नगर उप प्रमुख चित्रसेन अधिकारीले कर सकलन कार्यलाई मर्यादित र ब्यबस्थित बनाएर लैजानुपर्ने धारणा राख्नु भयो । कर अरुको लागि नभइ आफ्नै लागि हो भन्ने सोचका साथ यो अभियानमा लाग्न सबैमा आग्रह गर्दछु नगर उप प्रमुखले भन्नुभयो,यो अभियान मात्र नभइ महानगरको महान अभियान हो । उहाँले भन्नुभयो यो महाअभियानमा लाग्न सबै नगरबासीहरुलाइ अपिल समेत गर्दछु ।

महानगरले सम्पत्ति कर सम्बन्धी नीति,घरबहाल कर सम्बन्धी नीति,ब्यबसाय कर सम्बन्धी नीति,बहाल विटौरी शुल्क सम्बन्धी नीति र पार्किङ सम्बन्धी नीति कार्यान्वयनमा ल्याउने तयारी गरेको छ । त्यस्तै गरि राजश्व नीति अन्तरगत करदाता शिक्षा अभियान,कर उत्प्रेरणा र करदाता मैत्री राजश्व प्रशासनको ब्यबस्था,आन्तरिक राजश्वको लक्ष्यलाई समयमै प्राप्त गर्न राजश्व सुधार कार्ययोजना तर्जुमा तथा करदाताको लगतलाइ अत्याबधिक गर्दै अभिलेख प्रणालीलाई ब्यबस्थित बनाउने लक्ष्यका साथ अगाडी बढिरहेको छ । कार्यक्रममा भरतपुर १ का वडा अध्यक्ष केशब महर्जन,३ का अध्यक्ष बिकास थापा,२२ का अध्यक्ष बिष्णुराज महतो,कार्यपालिका सदस्य सुकमाया परियार,उद्योग बाणिज्य सघ चितवनका अध्यक्ष सुमन कुमार श्रेष्ठ,चितवन च्याम्बर अफ कमर्शका अध्यक्ष गोपाल भट्टराई,चितवन उद्योग सघका कार्यकारी निर्देशक गणेश प्रसाद सिलवाल,योजना तथा अनुगमन महाशाखा प्रमुख ओम प्रसाद पाण्डे लगाएत अन्य कर्मचारीहरुको सहभागिता रहेको थियोे । भरतपुर महानगरपालिकाले आगामी दिनहरुमा बिषयगत बिज्ञहरुसग छलफल गरेर राजश्व सकलन कार्यलाइ थप प्रभावकारी बनाउने लक्ष्य समेत लिइएको छ ।