गैँडाकोट ,२७ असार
सत्तारुढ दल नेपाल कम्युनिस्ट पार्टी (नेकपा) को विद्यार्थी संगठन अनेरास्ववियूका संयोजक ऐन महरले पार्टि एकतालाई भत्काउने षडयन्त्र भैरहेको भन्दै खवरदारी गर्न युवा तथा विद्यार्थीहरुलाई निर्देशन दिएका छन ।पुर्वि नवलपरासीको गैँडाकोटमा शनिवार दिउसो राष्ट्रिय युवासंघ तथा अनेरास्ववियूका कार्यकर्ता सँगको भेटघाटका क्रममा संयोजक महरले देशी विदेशी शक्तिहरु प्रधानमन्त्री केपी शर्मा ओलीको लोकप्रीयताबाट आत्तिएको बताए ।उनले विकास र समृद्धिको यात्रामा मुलुक अगाडी बढिरहेको बताउँदै प्रधानमन्त्री ओलीको राजीनामा माग्नु कुनै पनि हालतमा जायज नहुने बताए ।संयोजक महरले देशव्यापी रुपमा युवा तथा विद्यार्थीहरु पार्टि एकताका पक्षमा उभिएको बताउँदै प्रधानमन्त्री ओलीको विकल्प खोजिए मुलुक दुर्घटनामा जाने चेतावनी दिए ।
सो अवसरमा राष्ट्रिय युवासंघका नेता रमेश आचार्यले देशको विकासका लागी प्रधानमन्त्रीको ओलीको विकल्प नखोज्न आग्रह गर्दै नेकपाका नेताहरुविच आन्तरिक छmलफलबाटै समस्याको समाधान खोज्नुपर्ने बताए । केहि दिनका लागी स्थायी कमिटि रोकिएको भन्दै दुई अध्यक्ष विचको मसिनो छलफलले निकास निस्कने विश्वास ब्यक्त गरे । कार्यक्रममा अनेरास्ववियूका नेताहरु सुनिता बराल, महेश बर्तौला, प्रताप डल्लाकोटी, राष्ट्रिय युवासंघ नवलपुरका संयोजक कृष्ण कडेल सहित चितवन र नवलपुर क्षेत्रका युवा तथा विद्यार्थी नेताहरुको सहभागिता थियो ।Advertisement
