माडीसँग अन्तर सम्बन्धित सर्वपक्षिय संघसंस्था एवं सरोकारवालाहरुको साझा कार्यक्रम अन्र्तगत संघर्ष समितिको निर्माण हुने भएको छ । यही बैशाख २२ गते शनिबारका दिन सो कार्यक्रम हुन लागेको हो । सो दिन भरतपुर सम्पर्क मञ्चका अध्यक्ष विष्णुकुमारी क्षेत्रीको संयोजकत्वमा माडीका संस्थाहरुका अध्यक्षहरुको पदेन प्रतिनिधित्व हुनेगरी बाँकी रहेका संघसंस्थालाई समेत थप र परिमार्जित हुनेगरी संघर्ष समिति गठन गर्ने निर्णय गरिएको हो ।
थारु कल्याणकारणी सभा चितवनका जिल्ला सभापति ललितकुमार चौधरीको अध्यक्षतामा आज बसेको सर्वपक्षीय छलफलले माडीसँग अन्तर सम्बन्धित विभिन्न सामाजिक संघसंस्थाहरुको प्रतिनिधित्व हुने गरी समिति निर्माण गरिने जनाइएको छ । माडी भरतपुर सम्पर्क मञ्चका अध्यक्ष विष्णकुमारी क्षेत्री,थारु कल्याणकारीणी सभाबाट चुडामणि महतो,समृद्धिका लागि युवा अभियानबाट बिपिन पाठक,देवेन्द्रपुर सम्पर्क मञ्चबाट शशिधर लामिछाने रहनुभएको छ । यसैगरी साविक अयोध्यापुरी सम्पर्क मञ्चबाट सुरेन्द्र कुमार श्रेष्ठ,हरिनगर सम्पर्क मञ्चबाट दिनेश अधिकारी,गर्दी भरतपुर सम्पर्क मञ्चबाट देवेन्द पौडेल,माडी माइतीघरबाट विष्णु तिवारी र पत्रकारतर्फबाट कालिका एफ. एम्का निर्देशक दिपक पौडेल लगायत रहनुभएको छ ।
