चितवन/नारायणगढको चमेली बिगबजारमा “तेस्रो चितवन जुत्ताचप्पल महा-मेला २०८१” शुरु भएको छ । यहि बैशाख ७ गतेदेखी ३० गतेसम्म सन्चालन हुने उक्त महा-मेलामा जुत्ता किन्दा चप्पल सित्तैमा पाईने अफर राखिएको हो । मेलाको अवसरमा लेडिज र जेन्स दुबैका लागि आवश्यक सबै प्रकारका जुत्ताचप्पल खरिदमा १५ देखि ५० प्रतिशतसम्म छुट पाइनुका साथै १५ सय भन्दा बढिको जुत्ता किन्दा उपहार स्वरुप चप्पल सित्तैमा दिइनेछ र यो अफर मेला अवधीसम्म राखिएको नेपाल फुटवेयर मेनिफेक्चर एसोसिएसन अफ नेपालका पुर्व अध्यक्ष होमनाथ उपाध्यायले बताए ।

बिग बजार नेपाली जुत्ता घरको आयोजनामा भएको मेलामा ७ वटा स्वदेशी उद्योगबाट उत्पादित ३ हजारभन्दा बढी प्रकारका जुत्ताचप्पल पाइनेछ। बिगबजार नेपाली जुत्ताघरले सुरुवातदेखी नै सुपथ मुल्यमा गुणस्तरिय जुत्ता चप्पल बिक्री गरिराखेको नै थियो तर पनि महा-मेलामा परिवारका सबै सदस्यहरुले एकै ठाउँबाट सुपथ मुल्यमा जुत्ताचप्पल खरिद गरुन् भनेर हामीले बिशेष छुट राखेका हौं, उनले भने । महा-मेलामा ग्राहकहरुले बिगबजारको २१ वटा शटरमा एउटै छानामुनी नेपालमा सर्वाधिक रुचाइएका जुत्ता चप्पल फस्र्ट वाक शु, डिजे शु, बि एफ डियर हिल शु, क्रस रोड शु, स्मार्ट शु, रान शु र टुरिष्ट शु का १५ भन्दा बढी ब्रान्ड र ३ हजार भन्दा बढी मोडलका जुत्ताचप्पलहरु छानिछानि किन्न पाउने छन् ।

स्वदेशी उत्पादनलाई प्रोत्साहन गर्दै आमउपभोक्ताहरुलाई सेवा दिनुका साथै स्वदेशी गुणस्तरीय उत्पादनको बजार वृद्धि गराउने प्रमुख लक्ष्यका साथ यो महा-मेला आयोजना गरिएको फुटवयर एशोसिएसन समितिका उपाध्यक्ष रुद्र न्यौपानेले बताए । अझै पनि जुत्ताचप्पलमा अर्बैं रकम बाहिरिरहेको अवस्थामा स्वदेशमै उत्पादित नेपाली जुत्ता चप्पलको प्रयोग गर्न र स्वदेशी उत्पादित सामानलाई बजारिकरण गर्न सकेमा नेपाली अर्थतन्त्र र स्थानिय पुजीँ प्रवर्द्धन गर्न सकिने उनको भनाई थियो।