भरतपुर/“औद्योगिक प्रदर्शनी तथा सूचना प्रविधि मेला–२०८१” को दोश्रो दिन नेपाल सरकार, युवा तथा खेलकुद मन्त्री माननीय बिराज भक्त श्रेष्ठले प्रदर्शनीको अवलोकन गर्नुभएको छ । प्रदर्शनीको अवलोकन गर्दै मन्त्री श्रेष्ठले स्वदेशी उत्पादनको बजारीकरण र प्रविधि हस्तान्तरण मार्फत उद्यमशिलता विकासका लागि आयोजना गरिएको प्रदर्शनी निकै फलदायी रहेको बताउनुभयो । उहाँले प्रदर्शनीका क्रममा स्थानीय तथा घरेलु उद्योगहरुबाट उत्पादित वस्तु र यसको बजारको अवस्थाको बारेमा प्रदर्शनीका प्रदर्शकहरुसँग भेटेर जानकारी लिनुभएको थियो । श्रेष्ठले स्वदेशी उद्योगहरुका लागि आवश्यक कच्चा पदार्थ र उत्पादन पछिको बजारीकरणलाई ग्यारेन्टी गर्न सकिने हो भने स्वदेशी उत्पादनको प्रबद्र्धन गर्न सकिने समेत बताउनुभयो ।

नेपाल सरकार, उद्योग, वाणिज्य तथा आपूर्ति मन्त्रालय, लघु, घरेलु तथा साना उद्योग प्रबद्र्धन केन्द्र, बागमती प्रदेश सरकार, उद्योग तथा वाणिज्य कार्यालय चितवन, भरतपुर महानगरपालिका सहित चितवनका स्थानीय पालिकाहरुको प्रवद्र्धन सहयोग रहेको छ । भने प्रदर्शनीमा कोशी प्रदेश, मधेश प्रदेश, बागमती प्रदेश, गण्डकी प्रदेश लगायतबाट स्टलको सहभागिता रहेको छ ।