चितवन/साहित्य सङ्गम चितवनले ३१औँ पारिजात स्मृति दिवसका अबसर पारेर चितवनका साहित्य सर्जक एवं कवि गजलकार तथा निवन्धकारहरुलाई सम्मान गरेको छ ।साहित्य संगम चितवनका अध्यक्ष प्रकाश चापागाईंको अध्यक्षतामा भएको कार्यक्रममा चितवनका विभिन्न साहित्य बिधामा कलम चलाएका कवि तथा निवन्धकारहरुलाई सम्मान गरिएको हो ।
चितवनका अध्यक्ष प्रकाश चापागाईंले साहित्य क्षेत्रलाई पुर्वाग्रह र आग्रहको आधारमा लिन नहुने बताउनुभयो । त्यस्तै उहाँले पछिल्लो समय दलिय रंगबाट साहित्य क्षेत्र समेत प्रभावित भएको उल्लेख गर्दै दलिय आधार भन्दा निश्पक्ष कलम चलाएका स्रष्टाहरुलाई सम्मान गर्नुपर्नेमा आँफु सधैं प्रतिबद्ध बनेको जिकिर गर्नुभयो । त्यस्तै साहित्यकार एवं संस्कृत बिद् डिआर पोख्रेलले साहित्य जगतका क्षेत्रमा पारिजातले खेलेको भूमिकाको उच्च मुल्यांकन गर्दै उहाँबाट सबैले प्रेरणा लिनुपर्ने बताउनुभयो । त्यस्तै उहाँले साहित्यप्रति नयाँ पुस्ताहरुलाई समाबेश गराएर अगाडि बढ्नुपर्नेमा जोड दिनुभयो ।
चितवनका प्रखर समिक्षक रमेश प्रभातले साहित्यप्रेमी एवं लेखकहरुलाई समाज सुधार र बिकासमा जोड दिनेखालका रचनाहरु पाठकमाझ ल्याउनु आजको अपरिहार्य आबश्यकता रहेको बताउनुभयो । उहाँले साहित्यमा काल्पनिक भन्दापनि यथार्थ परिवेशलाई अगाडि बढाउनुपर्नेमा जोड दिनुभयो ।
विभिन्न पुरस्कारबाट सम्मानित स्रष्टाहरुमा केशवराज आमोदी, पूर्ण प्रसाद अधिकारी र डा. हरिमाया शर्मा सम्मानित हुनुभएको हो । सो कार्यक्रममा स्वागत मन्तव्य साहित्य संगम चितवनका उपाध्यक्ष राजेन्द्र घायलले गर्नुभएको हो भने कार्यक्रमको सहजीकरण साहित्यकार बिपिन पाठकले गर्नुभएको थियो ।
कार्यक्रममा रत्ननगर बागमती प्रदेशका उपकुलपति रामबाबु घिमिरे, गैंडाकोट नगरपालिकाका प्रमुख उपकुलपति गोबिन्दराज बिनोदी लगायतका विभिन्न पदमा रहनुभएका बिशिष्ट व्यक्तित्वहरुको सहभागीता रहेको थियो । साहित्य सङ्गम चितवनले बेलाबखतमा चितवन तथा देशका विभिन्न क्षेत्रमा छरिएर रहेका लेखक, कवि, साहित्यकार, निवन्धकार जस्ता विभिन्न बिधाहरुमा कलम चलाएका स्रष्टाहरुलाई सम्मान र हौसला प्रदान गराउदै आइरहेको छ ।
