भरतपुर/नेपाल ट्रेड युनियन महासंघ (जिफन्ट) वाग्मती प्रदेशको आयोजनामा चितवन जिल्ला स्तरिय अगुवा कार्यकर्ता भेला तथा प्रशिक्षण कार्यक्रम जिफन्ट वाग्मती प्रदेश उपाध्यक्ष तथा शिक्षा बिभाग प्रमुख अर्जुन अर्यालको अध्यक्षतामा भरतपुरको बिपि मेमोरियल क्यान्सर अस्पतालको हलमा सम्पन्न भयो । जिफन्ट वाग्मती प्रदेश अध्यक्ष रामहरी नेपालको प्रमुख आतिथ्यता, नेकपा (एमाले) चितवन जिल्ला अध्यक्ष रामप्रसाद न्यौपाने, राष्ट्रिय सौन्दर्यकर्मी युनियन नेपाल केन्द्रीय कमिटी अध्यक्ष अञ्जु गुरुङ्ग, नेपाल यातायात स्वतन्त्र मजदुर संगठनका महासचिव केशब थापा निरु लगायतको आतिथ्यतामा सम्पन्न कार्यक्रमबाट पुस्कर बाबु त्रिपाठीको अध्यक्षतामा उपाध्यक्ष : गोबिन्द खनाल,सचीव : सुशिल नेपाल,उप सचीव : फुलमाया अधिकारि ,सदस्यहरु ओमलाल थिङ,दिपक सिलवाल,श्याम पौडेल ,गिता सिंखडा र सुनिता अधिकारी सहितको ९ सदस्यीय चितवन जिल्ला समन्वय कमिटीको गठन गरिएको छ। उक्त कार्यक्रमको प्रशिक्षण सत्रमा ट्रेड युनियनको आधारभुत ज्ञानका बारेमा प्रदेश शिक्षा बिभाग सचिव सुनिता भन्डारि, ट्रेड युनियन ईतिहास र जिफन्ट का बारेमा शिक्षा बिभाग प्रमुख अर्जुन अर्याल, जिफन्टका घटक युनियनका बारेमा शिक्षा बिभाग सदस्य गोबिन्द खनाल र श्रम डेक्स र सामाजिक सुरक्षाका बारेमा प्रदेश अध्यक्ष रामहरी नेपालले प्रशिक्षण दिनुभयो । कार्यक्रममा स्वागत वागमती प्रदेश सदस्य तथा चितवन जिल्ला इन्चार्ज शान्ती सुवेदीले र संचालन शिक्षा बिभाग सचिव सुनिता भन्डारीले गर्नुभएको थियो ।
