भरतपुर/‘नेपालमा औषधि उद्योगको विकास तथा दिगोपनको संवाहक’ भन्ने मुल नाराका साथ चितवन एक्स्पो सेन्टर भरतपुरमा नेपाल औषधि उत्पादक संघ (एपोन)को आयोजनामा फागुन २५ देखिदेखि २७ गतेसम्म सञ्चालन भईरहेको ‘नवौं नेपाल फर्मा एक्स्पो–२०२४’ को अन्तिम दिन चितवन उद्योग संघको टोलीले अवलोकन गरेको छ । चितवन उद्योग संघका अध्यक्ष सूर्य प्रसाद न्यौपानेको नेतृत्वमा करीब ३ दर्जन भन्दा बढी उद्योगीहरुले एक्स्पोको अवलोकन गरेका थिए ।
नेपाली औषधि उद्योगको बिकाश र प्रबद्र्धन गर्नका लागि, निर्यात गर्न योग्य नेपालका औषधि उद्योगमा प्रयोग भइरहेका प्रविधि, उपकरण, बिधि, पद्धतिका बारेमा जानकारी गराउने उद्देश्यले फर्मा एक्स्पोको आयोजना गरिएको हो ।
आर्थिक बर्ष २०७८/०७९ नेपालमा नेपाली उद्योगीहरुको झण्डै ३४ अर्बको औषधिको कारोबार भएको थियो । तर आव २०७९/०८० मा २९ अर्ब ३६ करोड मात्र कारोबार गर्न पुगेको आयोजकले जनाएको छ । एक्स्पोमा १६० वटा स्टल राखिएका छन् । यसमा नेपाल, भारत, सिंगापुर, बंगलादेश, अमेरिका, जर्मन, चीन लगाएत ९ देशहरूले उत्पादनमा प्रयोग गर्ने उपकरण, ल्याब, कच्चापदार्थ र नेपाली औषधि उद्योग ले बनाएको औषधिको स्टल पनि राखिएको छ । साथै, उत्पादन गर्न प्रयोगमा ल्याइएका नयाँ प्रविधिलाई पनि देखाइएको छ ।
नेपालका औषधी उद्योगको विकास लागि नेपाल सरकारको स्वास्थ्य तथा जनसंख्या मन्त्रालय, औषधी व्यवस्था विभाग, नेपाल चिकित्सक संघ, नेपाल उद्योग परिसंघ, नेपाल उद्योग वाणिज्य महासंघ, नेपाल फर्मासिटिकल्स एसोसिएसन, नेपाल औषधि ब्यबसायी संघ, नेपाल आयुर्वेदिक औषधि उत्पादक संघ, रसायन तथा मेडिकल आपूर्ति संघ, फार्मेसी एसोसिएसन अफ नेपाल, नेपाल फर्मासिटिकल्स डिलर एसोसिएसन र स्वास्थ्य पत्रकार मंच बिच समन्वय र सहकार्य गरिएको थियो ।
नवौं नेपाल फर्मा एक्स्पो २०२४ लाई सफलतापूर्वक आयोजना गर्नको लागि एल्माक प्याकेज प्रालि प्लाटिनम स्पोन्सर, एचभीएएक्स मेसिनरी प्रालि र प्यासिफिक लिमिटेड डाइमन्ड स्पोन्सर, एनपीएम मेसिनरी प्रालि, ज्ञानसान र स्याम टोयल प्याकेजिङ्ग गोल्ड स्पोन्सरको रुपमा रहेका छन् साथै सिल्भर स्पोन्सर आदित्य इन्जिनियरिङ र एकुरेट्स मेसिन र कर्पोरेट्स स्पोन्सर मा आस्था इन्टरनेसनल मिडिया सपोर्टमा स्वास्थ्य पत्रकार मंच, डिजिटल पार्टनर मा खल्ती डिजिटल, इभेन्ट पार्टनर मा टोयोटा, एथर र टाटा मोटर्स, इभेन्टमा माइस नेपाल रहेका छन ।
Advertisement
