भरतपुर/सामाजिक उत्तरदायित्व वहन गर्दै रोटरी क्लवहरुको आयोजनामा भरतपुरको चेतना भिलेजमा सञ्चालित शिविरको १९ औं दिनमा समेत निःशुल्क कृत्रिम हातखुट्टा वितरण गरियो ।
रोटरी आरआई डिष्ट्रिक ३२९२ रिजन ७ अन्तर्गत गरी चितवन र गैंडाकोटका गरी ५ वटा रोटरी क्लव र वीरगञ्जको रोटरी क्लवको संयुक्त आयोजनामा अपाङ्ग जागरण अभियान चितवनसँगको समन्वयमा विभिन्न घटना, दुर्घटनाका कारण शरीरको हातखुट्टा गुमाएका व्यक्तिहरुलाई निःशुल्क रुपमा कृत्रिम हातखुट्टा वितरण गरिएको थियो ।
फागुन १६ गतेसम्म ८६ वटा कृत्रिम हातखुट्टा वितरण गरिएको कार्यक्रम संयोजक रोटरी क्लव नारायणी मिड टावनका रोटरियन भुपेन्द्र श्रेष्ठले जानकारी दिनुभयो ।