चितवन/चितवन क्षेत्र नं. ३ का सांसद एवं पूर्वमन्त्री बिक्रम पाण्डेले देशमा राजतन्त्र सहितको हिन्दुराज्य आबश्यकता रहेको बताउनुभएको छ । गैंडाकोटमा भएको एक धार्मिक कार्यक्रममा प्रमुख अतिथिको रूपमा संबोधन गर्नुहुँदै पूर्वमन्त्री पाण्डेले यस्तो बताउनुभएको हो । त्यस्तै उहाँले अहिलेका राजनीतिक दल र नेताका कारण देशको अस्तित्व गुमनाम भएको बताउनुभयो । भएका उद्योगधन्दा कलकारखाना बेचेर युवाहरुलाई पराईको देशमा नेताहरूले लखेटेको आरोप लगाउनुभयो । राप्रपाका वरिष्ठ केन्द्रिय उपाध्यक्ष समेत रहनुभएका पूर्वमन्त्री पाण्डेले धर्म, संस्कृतीको नाश गर्नेलाई सत्तामा ल्याएर ठूलो गल्ती गरिएको बताउनुभएको छ । देशमा बढ्दो भ्रष्टाचार, बेथिति मच्याएर सुशासनको नारा लगाउनेहरु आँफै काण्डैकाण्ड र दलदलमा फसेको बताउनुभयो ।