भरतपुर/चितवन उद्योग संघको आयोजना र व्यूटीफुल माईन्ड रिहाबिलिटेशन सेन्टर प्रा.लि.को सह–आयोजनामा उद्योगीहरुलाई तनाव व्यवस्थापन कार्यक्रम सम्पन्न भएको छ । चितवन उद्योग संघका कार्यवहाक अध्यक्ष गजेन्द्र अधिकारीको अध्यक्षतमा सम्पन्न कार्यक्रममा बागमती प्रदेश उद्योग परिसंघका अध्यक्ष लेखराज पोखरेल प्रमुख अतिथि रहनुभएको थियो ।
चितवन उद्योग संघका कार्यवहाक अध्यक्ष गजेन्द्र अधिकारीले स्वागत मन्तव्य सहित कार्यक्रमको उद्देश्य माथि प्रकाश पार्नुभएको कार्यक्रममा प्रमुख अतिथि बागमती प्रदेश उद्योग परिसंघका अध्यक्ष लेखराज पोखरेल र चितवन उद्योग संघ गभर्निङ काउन्सिलका उपाध्यक्ष भेषराज दुवाडीले कार्यक्रमको सफलताको कामना गर्नुभएको थियो ।
कार्यक्रममा प्रो.डा.शैलेन्द्रराज अधिकारीले मनोरोगका कारण र लक्षण, बरिष्ठ मनोरोग विशेषज्ञ डा.गिरीराज भन्तानाले उद्यमीमा हुने तनावका प्रकृति र कारण, प्रो.डा.विद्यादेव शर्माले मानसिक स्वास्थ्य मनोरोग र तनाव, स्वामी आचार्य महेन्द्र प्रसाद भट्टराईले आनन्दित आत्म संगठनात्मक व्यवस्थापन र श्वास उपचार र बरिष्ठ हाँस्यकलाकार मनोज गजुरेलले उत्प्रेरणा मुलक सन्देश प्रस्तुतिकरण गर्नुभएको थियो ।
कार्यक्रममा उद्योगीहरु चन्दना कोइराला, सुनिता पौडेल, पत्रकार बालगोविन्द न्यौपानेले राखेका जिज्ञासाहरुको बारेमा प्यालिष्टमा रहनुभएका वक्तहरुले पालैपालो उत्तर समेत दिनुभएको थियो ।
कार्यक्रममा चितवन उद्योग संघका निवर्तमान अध्यक्ष त्रिलोचन कँडेल, उपाध्यक्ष गोपाल प्रसाद गैरे, कार्यकारी निर्देशक गणेशप्रसाद सिलवाल, चितवन उद्योग संघका कार्यसमिति सदस्य एवम् रत्ननगर समितिका अध्यक्ष उमाकान्त पौडेल, चितवन उद्योग संघका कार्यसमिति सदस्य एवम् खैरहनी समितिका अध्यक्ष युवराज पाठक, चितवन उद्योग संघका कार्यसमिति सदस्य एवम् माडी समितिका अध्यक्ष रमेश नेपाली, बागमती प्रदेश उद्योग परिसंघ, महिला उद्यमी मञ्चकी अध्यक्ष चन्दना कोइराला, चितवन उद्योग संघका कार्यसमिति सदस्यहरु दुर्गालाल सापकोटा, ईश्वरी प्रसाद रिजाल, अनिल अग्रवाल, चितवन उद्योग संघका कार्यसमिति सदस्य एवम् युवा उद्यमी मञ्चका अध्यक्ष अश्विन गोले, चितवन उद्योग संघ, महिला उद्यमी मञ्चका निवर्तमान अध्यक्ष पार्वती कुँवर, उपाध्यक्षहरु सरिता खनाल पौडेल, कविता श्रेष्ठ, सचिव गीता ढकाल, महिला उद्यमी मञ्च खैरहनी समितिका अध्यक्ष जिनिता बस्नेत, महिला उद्यमी मञ्च कालिका समितिका अध्यक्ष बुद्धिमाया घले, महिला उद्यमी मञ्चका कार्यसमिति सदस्यहरु राधा शर्मा, सीता धिताल अधिकारी, चितवन उद्योग संघ, युवा उद्यमी मञ्चका सचिवालय निर्देशक भरत दवाडी, निर्देशक सुविन श्रेष्ठ लगायतको उद्योगीहरुको उपस्थिति रहेको थियो ।
चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको र दोश्रो सेसनको प्रस्तुतिकरणको लागि व्यूटीफुल माईन्ड रिहाबिलिटेशन सेन्टर प्रा.लि.सञ्चालक कमल शर्मा भुषालले सञ्चालन गर्नुभएको कार्यक्रमलाई चितवन उद्योग संघका उपाध्यक्ष गोपाल प्रसाद गैरेले धन्यवाद मन्तव्य सहित समापन गर्नुभएको थियो ।