नारायणगढ/लायन्स क्लव इन्टरनेशनल डिष्ट्रिक ३२५आर नेपाल क्लष्टर नं. ४ को आयोजनामा अन्तर्राष्ट्रिय पिस पोष्टर कार्यक्रम सम्पन्न भएको छ । लायन्स क्लव इन्टरनेशनल डिष्ट्रिक ३२५आर की क्लष्टर चिफ लायन विनिता नेपालको अध्यक्षतामा सम्पन्न कार्यक्रममा डिष्ट्रिक गर्भनर लायन आर.एस.महतो प्रमुख अतिथि रहनुभएको थियो ।
२१ वटा लायन्स क्लवको प्रतिनिधित्व भएको अन्तर्राष्ट्रिय पिस पोष्टर कार्यक्रममा १८ वटा स्कूलहरुबाट ३१ जना विद्यार्थीहरुले कार्यक्रममा सहभागिता जनाएका थिए । प्रतियोगितामा लायन्स क्लव अफ नारायणगढ संगमचोक, सञ्जीवनीको तर्फबाट बाल्मीकि शिक्षा सदन, वैदिकनगरकी रिद्धिशवि सत्याल, लायन्स क्लव अफ बागेश्वरीको तर्फबाट लिटिल फ्लावर स्कूल, नारायणगढकी मानसी श्रेष्ठ र लायन्स क्लव अफ चितवन न्यू भ्वाईसको तर्फबाट अंकुरम एकेडेमीका निराजन पौडेल बिजेता भएका थिए ।
कार्यक्रममा अतिथिहरुमा आईपिडिजि लायन सिद्धार्थलाल चुके, पिडिजि लायन रामप्रसाद भट्ट, पिडिजि लायन राजकुमार श्रेष्ठ, फष्ट भिजिजि लायन दिनानाथ न्यौपाने, एक्जुकेटिभ चिफहरु, डिष्ट्रिक लिडर लायनहरुको उपस्थिति रहेको थियो ।
बालकुमारी कन्या मा.वि.को प्राङ्गणमा सम्पन्न कार्यक्रमको मूल्याङ्कनकर्ता तमबहादुर पुन रहनुभएको थियो । जोन चियर पर्सन लायन कृपा राजभण्डारीले सञ्चालन गर्नुभएको कार्यक्रमको संयोजक लायन्स क्लव अफ चितवन साइनिङ लेडिजकी अध्यक्ष लायन गौरी गुरुङ रहनुभएको थियो ।