कालिका/थारुहको जितिया पर्वको अवसरमा चितवनको कालिका आजदेखि जिल्ला स्तरीय जितिया–कप २०८० सुरु भएको छ । थारु युथ स्पोर्टस् क्लब चितवनले आयोजना गरेको यो तेश्रो जितिया–कप हो । कालिका नगरपालिकाको वडा नं. ३ स्थित कवर्डहलमा आयोजना गरिएको जितिया–कपको नगर प्रमुख विनोद रेग्मीले उदघटन गर्नुभयो ।

उद्घाटन कार्यक्रममा बोल्दै नगरप्रमुख रेग्मीले स्वास्थ्यका लागि खेलको विकास आजको आवश्यकता रहेकोमा जोड दिनुभयो । नगरपालिकाले खेलकुदलाई सधै प्राथमिकतामा राख्दै आएको बताउनुभयो । जिल्ला स्तरिय कार्यक्रम आफ्नो नगरक्षेत्रमा आयोजना गरिएकाले आफुलाई थप उत्साह मिलेको उहाँले बताउनुभयो ।

कार्यक्रममा थारु कल्याणकारिणी सभा चितवनका जिल्ला सभापति ललितकुमार चौधरीले चितवन अहिले जितियामय बनेको बताउनुभयो । थारुहरुको परम्पराकालदेखि मनाउँदै आएको जितियाको अवसरमा चितवनका गाउँगाउँ हर्ष र उल्लासपर्ण बनेको बताउनुभयो । कतै नाचगान, कतै सचेतनामूलक कार्यक्रम कतै खेलकुद जस्ता गतिविधि जिल्लाभरनै भइरहेको जानकारीदिनुभयो । यस्ताखालका गतिविधिले आफुहरुको कला, संस्कृति चाडपर्वहरु संरक्षणहुँदै जाने उहाँको भनाई थियो ।

कार्यक्रममा नगरपालिकाका सामाजिक विकास समिति एवम कालिका वडा नं. ४ का वडा अध्यक्ष मकरमान श्रेष्ठले चाडपर्वसँग खेलकुदलाई जोड्दा यसको प्रभाव अझै बलियो हुने बताउनुभयो ।

कार्यक्रममा समाजसेवी रमेशजंग थापाले खेलकुदले समाज रुपमान्तरणमा सहयोग पुग्ने बताउनुभयो । कालिकालाई खेलकुदको हब बनाउन सके नगरक्षेत्रले नसोचेको फड्को मार्ने उहाँको भनाई छ । जिल्लाभरका ब्याडमिन्टन खेलाडी र खेलप्रति रुचिराख्नेहरुलाई आफ्नो नगरक्षेत्रमा स्वागतगर्न पाउँदा बेग्लै खुशी मिल्ने गरेको उहाँले बताउनुभयो । कालिकामा आयोजना हुने यस्ताखालका गतिविधिमा आफु निरन्तर सहभागीहुँदै समेत उहाँले जानकारी दिनुभयो । आर्थिक सहयोगमात्रै नभई प्रत्येक्ष रुपमा सहभागी भएर कार्यक्रम सफल बनाउन मेरो उपस्थ्तिी हुँदै आएको छ उहाँले भन्नुभयो ।

कार्यक्रममा सेन्ट्रल कलेज चितवनका प्रमुख ज्ञविलास (वाइबी) पौडेलले थारुहरुको जितिया पर्वसँग ब्याडमिन्टन प्रतियोगीता आयोजना गरिएकाले यसले परम्परागत चाडपर्व संरक्षणमा टेवा पुग्ने बताउनुभयो । कलेजले धेरै खालका कार्यक्रमगर्दै आउँदा युवाहरुले निकै रुचाएको ब्याडमिन्टन प्रतियोगीतामा पनि कलेजले सहयोग गरेको जानकारीदिनुभयो । थारुहरुको भेषभुषा, कला संस्कृतिलाई संरक्षणगर्ने उद्देश्यले भइरहेको कार्यक्रममा आफुहरु जोडिन पाउँदा निकै खुशीलागेको बताउनुभयो । विभिन्न जातजाति, समुदायसँग हातमालोगर्दै आएको कलेजले उच्च शिक्षा अध्ययनका लागि जापान, अष्ट्रेलिया, क्यानेडा लगायतका मूलुकहरुमा जान चाहने विद्यार्थीहरुका लागि काउन्सिलङगगर्ने काम गर्दै आएको छ । उहाँका अनुसार नेपालमै सीप सिकेर जागिर खान इच्छुक नेपालीहरुलाई सेन्ट्रल कलेजले तालिम समेत दिँदै आएको छ । सीप सिक्न वा उच्च शिक्षा सम्बन्धि भाषा सिक्न रुचि राख्ने विद्यार्थीहरुका लागि कालिकावाट निशुल्क बसको समेत व्यवस्था गरिएको उहाँले जानकारी दिनुभयो । कार्यक्रम थारु युथ स्पोर्टस् चितवनका दीपेन्द्र चौधरीको अध्यक्षतामा आयोजना गरिएको हो ।

उद्घाटन कार्यक्रममा स्थानीय थारु चेलीहरुको समेत प्रस्तुती थियो ।

दुई दिन सम्म चल्ने प्रतियोगीतामा दुईखालका खेलहुँदैछन् । थारु खुल्ला प्रतियोगीतामा थारुहरुबीच मात्रै प्रतिस्प्रर्धाहुने छ । खुल्ला थारु तर्फ २२ वटा टिमले भाग लिएका छन् । यस्तै बी लेभल खुल्ला तर्फ ५० टिमले भाग लिएका छन् ।
प्रतियोगीतामा दुवै खेलमा ( बराबरी पुरस्कार )प्रथम हुने समुहलाई नगद ३० हजार, दोश्रो हुनेलाई नगद १५ हजार, तेश्रोहुने समुहलाई ७ हजार रुपैयाँ नगद पुरस्कार प्रदान गरिनेछ । खेल खेलौं स्वस्थ रहौं भन्ने नाराका साथ आयोजना गरिएको प्रतियोगीताको सह आयोजक न्यू स्टार युवा क्लब कालिका ४ रहेको छ ।

प्रतियोगिता सफल बनाउन कालिका नगरपालिका, रत्ननगर नगरपालिकाले आर्थिक सहयोग दिएको छ । यस्तै रमेश जंग थापाले प्रथम पुरस्कार सौजन्यगर्नुभएको छ भने सेन्ट्रल कलेजले द्धितीय पुरस्कार सौजन्य गरेको छ । यस्तै मञ्जु श्रीलेपनि द्धितीय पुरस्कार सौजन्य गरेको हो । यस्तै नरकटिया मेडिकल हलले तृतीय पुरस्कार सौजन्य गरेको छ । तृतीय पुरस्कार सौजन्यगर्नेमा रामेश्वर के.सी, रामहरी के.सी पनि रहेको छ । रत्ननगरका वडा नं. ६, ७ र ८ ले पनि आर्थिक सहयोग गरेको छ ।

—00—