भरतपुर/चितवनको सबैभन्दा पुरानो र सम्भवत् नेपालकै ठूलो अत्याधुनिक सुविधा सम्पन्न चितवन जिम हाउस (सिपिएफसि) को आयोजनामा चितवन जिम पावर लिप्टिङ्ग मिट–२०८० हुने भएको छ । विजया दशमी, शुभ दीपावली र छठ पर्वको पूर्वसन्ध्यामा शुभकामना आदानप्रदान सहित चितवन जिम पावर लिप्टिङ्ग मिट–२०८० हुने चितवन जिम हाउसका प्रबन्ध निर्देशक प्रकाश गुरुङले जानकारी दिनुभयो ।
चितवन जिम हाउस (सिपिएफसि) अन्तर्गत क्षेत्रपुर, भरतपुर, रिजालचोक र गैंडाकोट नवलपुरमा सञ्चालनमा रहेका तीनवटा शाखामा आवद्ध व्यक्तिहरुलाई सामेल गराईने उक्त प्रतियोगितामा तौलको आधारमा खेल खेलाइनेछ ।
पुरुष तर्फ ६६ के.जि.भन्दा कम तौल, ६७ देखि ७७ के.जी. र ७७ के.जि.देखि माथि तीन चरणका तौल भएका व्यक्तिहरुलाई समावेश गराईनेछ । भने, महिलातर्फ ६० के.जि.भन्दा कम तौल र ६० देखि माथिका तौलका बीच प्रतिस्पर्धा गराईने चितवन जिम हाउसका प्रबन्धक नविन रानाले जानकारी दिनुभयो ।
प्रतियोगिताका पुरुष तथा महिलातर्फ प्रथम हुनेलाई ३ महिना, द्धितीय हुनेलाई २ महिना र तृतीय हुनेलाई १ महिनाको मासिक छुट गरिने छ ।
चितवन जिम हाउसका प्रशिक्षक सुरेश राजवंशीको संयोजकत्वमा प्रमुख निर्णायकमा बोध खड्का र निर्णायकहरुमा राजेश श्रेष्ठ, सुजन गुरुङ, आकाश गुरुङ, निश्चल गुरुङ, हाना भण्डारी, मिरा बम्जन, आकृत विक्रम बरुवाल, सुधिर श्रेष्ठ, दिनेश कँडेल, विधान श्रेष्ठ र सुवोध वि.क. रहेका छन् ।
