प्रधानमन्त्री पुष्पकमल दाहालले आज चिनियाँ समकक्षी लि छ्याङसँग द्विपक्षीय भेटवार्ता गर्दैछन्। द्विपक्षीय भेटवार्ताका क्रममा नेपाल र चीनबीच विविध सहयोग सम्झौतामा हस्ताक्षर हुने कार्यक्रम रहेको छ। प्रधानमन्त्री दाहालले आजै चीनको नेसनल पिपुल्स कांग्रेसको स्थायी समितिका अध्यक्ष चाओ लेजीसँग पनि भेटवार्ता गर्ने कार्यक्रम छ।
सम्मेलनपछि बेइजिङस्थित नेपाली दूतावासमा आइतबार साँझ आयोजित स्वागत समारोहमा दाहालले चिनियाँ राष्ट्रपतिसँग हिजो भएको छलफलले आफू उत्साहित भएको बताए।प्रधानमन्त्री दाहालले चीनको छोङछिङ महानगरपालिकामा रहेको छोङछिङ एकेडेमी अफ एग्रिकल्चरल साइन्सलगायत विज्ञान तथा प्रविधि विकासका क्षेत्रको अवलोकन गर्नेछन्। उनले तिब्बत स्वशासित क्षेत्रको भ्रमणमा जाने र त्यहाँका उच्चपदस्थ अधिकारीसँग भेटवार्ता गर्नेछन्। प्रधानमन्त्रीको टोली चीनबाट १३ गते स्वदेश फिर्ता हुने कार्यक्रम छ।
