भरतपुर/चितवन उद्योग संघ महिला उद्यमी मञ्चको ३२ औं बार्षिक साधारण–सभा एवम् ११ औं अधिवेशन र युवा उद्यमी मञ्चको चौथो साधारण–सभा एवम् दोश्रो अधिवेशन एक कार्यक्रमका बीच सम्पन्न भएको छ ।
चितवन उद्योग संघ, महिला उद्यमी मञ्चकी अध्यक्ष पार्वती सुवेदी कुँबरको अध्यक्षतामा सम्पन्न साधारणसभा तथा अधिवेशनमा चितवन उद्योग संघका अध्यक्ष त्रिलोचन कँडेल प्रमुख अतिथि रहनुभएको थियो ।
कार्यक्रमम चितवन उद्योग संघ गभर्निङ काउन्सिलका अध्यक्ष गुणाकर खरेल, चितवन उद्योग संघका निवर्तमान अध्यक्ष राजु पौडेल, महिला उद्यमी मञ्चकी पूर्व अध्यक्ष पवित्रा जोशीले नवनिर्वाचित समितिका सदस्यहरुलाई सफल कार्यकालको शुभकामना व्यक्त गर्नुभएको थियो ।
चितवन उद्योग संघ, युवा उद्यमी मञ्चका अध्यक्ष सुरेन्द्र कार्कीले स्वागत मन्तव्य सहित वार्षिक कार्यप्रगति प्रतिवेदन प्रस्तुत गर्नुभएको थियो । त्यस्तै चितवन उद्योग संघ, महिला उद्यमी मञ्चकी अध्यक्ष पार्वती सुवेदी कुँबर वार्षिक कार्यप्रगति प्रतिवेदन, चितवन उद्योग संघ, महिला उद्यमी मञ्चकी कोषाध्यक्ष सरिता खनाल पौडेल र चितवन उद्योग संघ, युवा उद्यमी मञ्चका निर्देशक सरोज बाबु घिमिरेले आर्थिक प्रतिवेदन प्रस्तुत गरेका थिए ।
कार्यक्रममा युवा उद्यमी मञ्चका सदस्य एवम् सदस्यता बिस्तार संयोजक मुक्तिनाथ पोखरेलले मञ्चको सदस्यता बिस्तार योजनामा सहयोग पु¥याउनु भएकोमा सम्पूर्णमा धन्यवाद ज्ञापन गर्दै नयाँ बन्ने समितिलाई सफलताको शुभकामना व्यक्त गर्नुभयो ।
कार्यक्रममा महिला उद्यमी मञ्चतर्फ महिला उद्यमी मञ्चको दुईवर्षे कार्यकाल (०७८–०८०) मा सदस्य पदमा रही समितिको हरेक क्रियाकलापहरुलाई सफल बनाउन सबैभन्दा महत्वपूर्ण योगदान पु¥याउनु भएकोमा गीता ढकाललाई अध्यक्ष अवार्ड, मञ्चका कार्यक्रमहरुमा कार्यक्रम संयोजकको महत्वपूर्ण भूमिका निर्वाह गर्दै कार्यकाललाई सफल योगदान पु¥याएकोमा सृजना सोती र बागमती प्रदेश सरकार, सामाजिक विकास मन्त्रालयबाट राष्ट्रपति महिला उत्थान कार्यक्रम अन्तर्गत महिला उद्यमशिलता विकास, बित्तिय पहु“च, टेवा पुँजी र प्रविधि हस्तान्तरण कार्यक्रम आ.व.०७९÷०८० मा बागमती प्रदेशको महिला उद्यमीहरु मध्ये उत्कृष्ट महिला उद्यमी मा छनौट हुन सफल हुनुभएकोमा राप्ती नगरपालिका वडा नं.८ स्थित कृष्ण लेडिज टेलर्सका सञ्चालक दिपिका थापालाई सम्मान गरिएको थियो ।
त्यस्तै युवा उद्यमी मञ्चतर्फ युवा उद्यमी मञ्चको दुईवर्षे कार्यकाल (०७८–०८०) मा निर्देशक पदमा रही समितिको हरेक क्रियाकलापहरुलाई सफल बनाउन सबैभन्दा महत्वपूर्ण योगदान पु¥याउनु भएकोले सरोज बाबु घिमिरेलाई अध्यक्ष अवार्ड, पालिका समितिहरु मध्ये सबैभन्दा बढी योगदान पु¥याउनु भएकोमा युवा उद्यमी मञ्च, माडी समितिका अध्यक्ष खिमानन्द न्यौपाने र मञ्चका हरेक क्रियाकलापहरुलाई सफल बनाउन महत्वपूर्ण योगदान पु¥याउनु भएकोले अनिष काफ्लेलाई सम्मान गरिएको थियो ।
चितवन उद्योग संघ, युवा उद्यमी मञ्चका अध्यक्ष सुरेन्द्र कार्कीले धन्यवाद मन्तव्य सहित युवा उद्यमी मञ्च विघटन गरी निर्वाचन मण्डललाई फ्लोर हस्तान्तरण गर्नुभएको थियो ।
चितवन उद्योग संघका उपाध्यक्ष, संगठन बिस्तार समितिका संयोजक तथा प्रमुख निर्वाचन अधिकृत गजेन्द्र अधिकारीको अध्यक्षतामा निर्वाचन समितिले आफ्नो कार्यक्रम सञ्चालन गरेको थियो ।
समितिका सदस्य तथा घरेलु तथा साना उद्योग कार्यालयका चितवनका निमित्त प्रमुख नारायण प्रसाद खनाल निर्वाचन प्रक्रियाका बारेमा जानकारी गराउँदै महिला तथा युवा उद्यमी मञ्चका नवनिर्वाचित कार्यसमितिको नाम घोषणा गर्नुभएको थियो । निर्वाचन कार्यक्रमलाई निर्वाचन समितिका सदस्य तथा चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको थियो ।
नवनिर्वाचित महिला उद्यमी मञ्चको अध्यक्षमा सृजना सोती, उपाध्यक्षहरुमा सरिता खनाल पौडेल, कविता श्रेष्ठ, सचिवमा गीता ढकाल, कोषाध्यषमा जुनु पौडेल अधिकारी, सदस्यहरुमा राधा शर्मा, सीता धिताल अधिकारी, गोमा अम्गाई, गोमा कुमारी खड्का, बिनिता बराल रहनुभएको छ । त्यस्तै मञ्चको सदस्यहरुमा प्रमिला पोखरेल (रत्ननगर), जिनिता बस्नेत (खैरहनी), बुद्धिमाया घले (कालिका), नरमाया सेढाईं (राप्ती), भारती न्यौपाने भुषाल (माडी) र सम्झना कुमारी सिलवाल (इच्छाकामना) रहनुभएको छ ।
त्यसैगरी युवा उद्यमी मञ्चको अध्यक्षमा अश्विन गोले, निर्देशकहरुमा अनिष पौडेल, भरत दवाडी, स्वरुप रिजाल, सन्तोष सिग्देल, राजेश ढकाल, भुवन कँडेल, सुविन श्रेष्ठ रहनुभएको थियो ।
नवनिर्वाचत समितिका सदस्यहरुलाई चितवन उद्योग संघका अध्यक्ष त्रिलोचन कँडेलले सपथ खुवाउनु भएको थियो ।
चितवन उद्योग संघ, युवा उद्यमी मञ्चका निर्देशक अनिष पौडेलले सञ्चालन गर्नुभएको कार्यक्रममा युवा उद्यमी मञ्चका नवनिर्वाचित अध्यक्ष अश्विन गोलेले प्रतिवद्धता मन्तव्य राख्नुभएको थियो भने । चितवन उद्योग संघ, महिला उद्यमी मञ्चका नवनिर्वाचित अध्यक्ष सृजना सोतीले नवनिर्वाचित अध्यक्षको प्रतिवद्धता मन्तव्य तथा धन्यवाद मन्तव्य सहित कार्यक्रमको समापन गर्नुभएको थियो ।
Advertisement
