चितवन/आदर्श नारी विकास केन्द्र भरतपुरले त्रिवर्षिय रणनितिक योजना तर्जुमा गोष्ठि सम्पन्न गरेको छ । चितवनको कविलास रिसोर्टमा भदौ २६ र २७ गते दुई दिन संचालन भएको गोष्ठीको समापन गरिएको हो । आगामी ३ वर्षको लक्ष्य सहित कार्यक्रम तय गरेको गोष्ठीमा संस्थाका पदाधिकारी, कार्यसमिति सदस्य, कर्मचारी, सलाहकार सहित २५ जनाको सहभागितारहेको थियो ।
गोष्ठीको पहिलो दिन संस्थाकी अध्यक्ष उषा खरेल सुवेदीको सभापतित्वमा, डा. नम्रता पाण्डेको प्रमुख आतिथ्यतामा, विशेष अतिथि विदुर केसी र अतिथी मिना खरेल एवं अर्जुन अधिकारीको साथमा संस्थाको स्थापनाको उद्देश्य र ३० वर्षीय कार्यक्रम प्रगति सहित आगामी कार्यक्रम कसरी अगाडि बढाउने सम्बन्धमा नेतृत्व विकास प्रशिक्षण सहित शुरू भएको थियो ।
दोस्रो दिन भरतपुरमहानगर पालिकाका स्वास्थ्य तथा सामाजिक विकास महाशाखा प्रमुख शान्ता कुमारी पौडेलको प्रमुख आतिथ्यतामा संस्थाका सल्लाहकार एवं बिज्ञ डा. नम्रता पाण्डे, सल्लाहकार विदुर केसी, संस्थाकी संस्थापक सचिव एवं पूर्व अध्यक्ष एव सस्थापक मीना खरेल र नेपाल जेसीसका राष्ट्रिय उपाध्यक्ष अर्जुन अधिकारीले सहजीकारण गर्नु भएको थियो ।
संस्थाकी अध्यक्ष उषा खरेल सूबेदीको अध्यक्षतामा सम्पन्न भएको कार्यक्रमा सचिब सरिता सुबेदि पाठकले सन्चालन गर्नु भयको थियो । बि स २०४९ सालमा स्थापना भएको उक्त संस्थाले महिला तथा बालबालिकाको क्षेत्रमा कार्य गर्दै आएको छ ।
