ढाका/Culture, Nature र Adventure को मूल नारा सहित वि.सं. २०८० बैशाख १ गते काठमाण्डौस्थित गैह्रिधारामा आफ्नो कार्यालय स्थापना गरी सञ्चालनमा आएको एभरेष्ट पाथवेज टुर्स एण्ड ट्राभल्सले आफ्नो शुभारम्भको दिन विश्वभर नै आफ्नो शाखा विस्तार गर्ने घोषणा गरेको थियो ।
ट्राभल्सले आफ्नो मूल उद्देश्य अनुरुप विश्वभरिबाट नेपालमा व्यवसायिक हिसावले पर्यटन भित्र्याउने मात्र नभई नेपाल आएका पर्यटकहरुको माध्यमबाट देश–देश बिचको सम्बन्ध प्रगाढ पार्ने र पर्यटकहरुलाई पटक–पटक नेपाल आइरहने वातावरणको लागि विशेष किसिमिको प्याकेजको समेत घोषणा गरेको थियो ।
विश्वभर आफ्नो सञ्जाल विस्तारको घोषणा गरेको ट्राभल्सले चार महिनाको समयमा बंगालादेशको राजधानी ढाकाको अति नैं व्यस्त र विशिष्ट क्षेत्र (गुल्सन–२) मा विभिन्न देशका नागरिकहरुको सहभागितामा आफ्नो पहिलो शाखाको शुभारम्भ गरेको हो ।
एभरेष्ट पाथवेज टुर्स एण्ड ट्राभल्स कि बंगालादेश प्रमुख श्रीमती जोय अहमदको अध्यक्षतामा सच्चालित उक्त कार्यक्रममा एनआरएनए आइसिसिका (जापान) नव निर्वाचित सदस्य तथा अन्तर्राष्ट्रिय नेपाली साहित्य समाज बोर्ड अफ ट्रस्टीका उप–सभापति विष्णु प्रसाद घिमिरे प्रमुख आतिथ्यता रहनु भएको थियो ।
कार्यक्रमकी अध्यक्ष जोएले केहि बर्ष अगाडि मात्र सुदुरपश्चिमका दिनेश राज पनेरू संग दिदि–भाइको सम्बन्ध जोडिएको कारण आफु पटक–पटक नेपालको भ्रमण गरेको, नेपाली कला÷संस्कृति संग घुलमिल भएको, नेपाली परिवार संग रमेको र प्राकृतिक सौन्दर्यता रसास्वादन गरेको बताउँदै नेपाल र बंगलादेशको चार दशक लामो दौत्य सम्बन्धलाई आफ्नो टिमले सगरमाथाको शिखर चुमाउने दृढ़ता व्यक्त गर्नुभयो ।
विभिन्न देशका विशिष्ट व्यक्तित्वहरुको उपस्थित रहेको उक्त समुद्घाटन कार्यक्रममा नेपालबाट प्रतिनिधित्व गर्दै सिएमटि रिसोर्ट चितवनका प्रबन्ध निर्देशक, चितवन उद्योग संघका उपाध्यक्ष तथा युवा व्यवसायी मदन घिमिरे, द साउथ इष्ट एसियन टुरिजम कम्पनि बंगलादेशकी प्रमुख श्रीमती सुल्ताना प्रविन, पेप्सि बंगालादेशका प्रबन्ध निर्देशक मुनिष धवनले कार्यक्रमको सफलताको शुभकामना व्यक्त गर्नुभएको थियो ।
प्रमुख अतिथिले रिवन काटेर उदघाटन गरिएको कार्यक्रममा ट्राभलका नेपाल र बंगालादेशका प्रमुख दिनेश राज पनेरू र जोएले केक काटेर खुशी बाडेका थिए ।
