मनाङ/पश्मिनाका लागि चाहिने कच्चा पदार्थ च्याड्ग्राको भूवा संकलनवृद्धि ल्याउने उद्देश्यले मनाङका च्याङग्रापालक किसानहरूलाई च्याङ्ग्राबाट भूवा निकाल्ने आधुनिक विधिबारे प्रशिक्षण दिइएको छ । च्याङग्रापालनमा अग्रणीमध्येको मनाङ जिल्लामा च्याङग्राबाट आधुनिक तरिकाले भूवा निकाल्ने विधिबारेको ज्ञानबाट स्थानीय किसानहरूले च्याङग्राबाट निकाल्ने भूवाको मात्रा तथा गुणस्तरमा अभिवृद्धि हुने विश्वास लिइएको छ । उद्योग, वाणिज्य तथा आपूर्ति मन्त्रालयतथा युरोपियन युनियनको सहयोगमा संचालित इयु-नेपाल व्यापार तथा लगानी कार्यक्रमको संयुक्त आयोजना तथा मनाङको नार्पाभूमि गाउँपालिकाको स्थानीय संयोजनमा च्याङ्ग्रापालक किसानहरूका लागिभूवा संकलन सम्बन्धी अनुशिक्षण तथा सामग्री हस्तान्तरण कार्यक्रम आयोजनागरिएको हो । गत वर्ष इयु नेपाल व्यापार तथा लगानी कार्यक्रमको आर्थिक सहयोगमा मुस्ताङमा संचालन भएको प्रशिक्षक प्रशिक्षण कार्यक्रमबाट प्रशिक्षित भएका नेपाली प्रशिक्षकद्धारा मनाङका किसानलाई भुवा संकलनको आधुनिक विधिबारे तालिम दिइएको हो । आइतवारमनाङको नारमा सम्पन्न उक्त तालिममा २१ जना च्याङग्रापालक किसानहरू सहभागी रहेको जनाइएको छ । तालिमका अवसरमा बोल्दै उद्योग वाणिज्य तथा आपूर्ति मन्त्रालयका सहसचिव गोविन्द बहादुर कार्कीले च्याङग्राको भूवाबाट आर्थिक लाभ लिन सकिनेबारे धेरै किसानहरूमा अझै ज्ञानको अभाव भएको अवस्थामा यस किसिमको तालिमले आधुनिक तरिकाले भूवा निकाल्ने विधिबारे जानकारी हुन गइ आगामी दिनमा नेपाली पश्मिनाका लागि चाहिने कच्चा पदार्थ भूवाको उत्पादन स्वदेशमा नै वृद्धि सकिने बताउनु भयो । “तालिमबाट स्थानीय किसानले च्याङग्राको भूवाबाट आर्थिक लाभ लिन सकिनेबारे जानकारीमात्र होइन भूवा झिक्ने कामलाई कसरी आधुनिक विधि र उपकरणबाट सहज बनाउन सकिन्छ भन्नेबारे बुझ्ने अवसर चाङ्ग्रा किसानले पाए । यस्ता तलिमले स्वदेशमै भूवा उत्पादनको मात्रा र गुणस्तर दुबै बढाउन सकिने देखिन्छ” कार्कीले भन्नुभयो । उक्त गाउँपालिकाका जनप्रतिनिधिहरूले च्याङग्रापालक किसानको क्षमता अभिवृद्धि मार्फत भूवा उत्पादन वृद्धिका लागिस्थानीय सरकार र अन्य सरोकारवाला निकायहरूबीच सहकार्यको आवश्यकता औंल्याएका थिए । तालिमको अवसरमा आधुनिक तरिकाले भूवा निकाल्नको लागि प्रयोग हुने २० थान काइँयो स्थानीय जनप्रतिनिधिहरूमार्फत किसानहरूलाई वितरण गरिएको थियो ।सरकारले हालै सार्वजनिक गरेको पश्मिना क्षेत्र निर्यात राष्ट्रिय रणनीतिले पनि च्याङग्रा पालन प्रवर्द्धन मार्फत भूवा तथा तयारी पश्मिना उत्पादनलाई बढोत्तरी गर्दै सन् २०२६ सम्ममा नेपालबाट पश्चिमना निर्यात७ करोड ५० लाख अमेरिकी डलर पुर्याउने लक्ष्य लिएको छ । सन् २०२१ मा नेपालबाट कुल १.९३ करोड अमेरिकी डलर बराबरको तयारी पश्मिना निर्यात भएको थियो ।