चित वन/गोरखा आँपपिपल गा. वि. स. वडा न. ९ दार्मीचौर हाल पालुङ्गटार नगरपालिका वडा न. २ दार्मीचौरका मरहट्टा थर भएका युवाहरुले गाउँमा विभिन्न किसिमका विकासका आयोजना लगेर विकास गर्ने भएका छन् ।
गाउँमा रहेको बाँझो जमिनलाई सदुपयोग गरेर विभिन्न किसिमका कृषिजन्य व्यावसायीक कार्यक्रमहरु गर्ने भएका छन् । पहिला दार्मीचौर घर भई हाल चितवन, काठमाडौ बसोबास गरेका युवाहरुले आफ्नो गाउँमा गएर गाउँको पुखौली रितिरिवाजलाई जोगाउन कम्मर कसेका छन् । अनलाइन मिटिङ्ग बसि लकडाउन खोल्ने वित्तिकै कामको प्रकृया शुरु गरिने लगायतका विभिन्न किसिमका महत्वपूर्ण निर्णयहरु समेत गरेका छन् ।
उक्त अनलाइन मिटिङ्गमा सुरेस बाबु मरहट्टा, नबिन बाबु मरहट्टा, ईश्वर चन्द्र मरहट्टा, सुमन बाबु मरहट्टा, दिपक बाबु मरहट्टा, विजय बाबु मरहट्टा, सुबास बाबु मरहट्टा लगायतका २५ जना जति युवाहरुको सहभागिता रहेको थियो । मिटिङ्गमा उत्पादनशील क्षेत्रमा लगानी गर्ने, कुल गार्हस्थ उत्पादनको वृद्धि, रोजगारी सृजना र निर्यात प्रवद्र्ध आर्थिक विकासको प्रमुख परिसूचकको रुपमा रहेको चारवटै पक्षमा सकारात्मक प्रभाव पारी आर्थिक विकासलाई गति दिने गरि सबैले एउटै स्वरमा काम गर्ने बताएका छन् ।
नेपाल कृषि प्रधान देश हो । नेपालको कूल क्षेत्रफल १,४७,१८१ वर्ग किलोमिटर मध्ये हिमाली क्षेत्रले १५ प्रतिशत , पहाडी क्षेत्रले ६८ प्रतिशत र तराई क्षेत्रले १७ प्रतिशत जमिन ओगटेको छ । नेपालको कूल जमिनको आधाजसो जमिन कृषिका लागि योग्य रहेको कुरा तथ्याङ्कले देखाएको छ । मानिसको दैनिक आवश्यकता पूरा गर्ने वस्तु भनेको कृषि पैदावार नै हो । कृषि व्यवसाय भनेको खेतबारीमा काम गर्ने अनि अन्न उत्पादन गरेर गुजारा चलाउने मात्र होइन, यसभित्र त पशुपालन, मत्स्यपालन, फलफूल खेति, मौरीपालन, पुष्पव्यवसाय, कुखुरापालन, बाख्रापालन लगायतका व्यवसाय समेत पर्दछन् । नेपालमा दिनानुदिन रोजगारीको खोजिमा भौतारीएका युवाहरुका लागि राज्यले विशेष व्यवस्था गरी कृषि व्यवसायलाई व्यावसायिक बनाउन विशेष सुविधा प्रदान गर्ने हो भने शिक्षित बेरोजगारीको संख्या पनि घट्न सक्छ र जनशक्तिलाई विदेश पलायन हुनबाट जोगाउन पनि सकिन्छ । कृषिलाई महत्वका साथ हेर्ने अनि युवा स्वरोजगारको व्यवस्था गर्ने हो भने देश कृषिबाट नै समृद्ध बन्न सक्छ । सदियौं देखि चलिआएको कृषि पेशा अझ मर्यादित बनेपछि यसको महत्व झन् बढ्न सक्छ ।