भरतपुर/श्री मालिका देवी मन्दिर व्यवस्थापन समितिको सातौं साधारणसभा एवम् अधिवेशनबाट समितिका अध्यक्ष महाप्रसाद सिलवाललाई पुनः अध्यक्षमा चयन गरिएको छ ।
अघिल्लो कार्यकाललाई सफल र महत्वपूर्ण योगदान गरेको समितिको निर्णय बमोजिम साधारणसभा तथा अधिवेशनले पुनः सिलवाललाई अध्यक्षको जिम्मेवारी प्रदान गरिएको थियो । सिलवालको अध्यक्षतामा ११ सदस्यीय कार्यसमिति समेत चयन भएको छ । नवनिर्वाचित समितिको बरिष्ठ उपाध्यक्षमा रेवतीरमण अधिकारी, उपाध्यक्षमा बिष्णुमाया अधिकारी, सचिवमा हरिप्रसाद पन्त, कोषाध्यक्षमा हिमलाल सुवेदी, सह–सचिवमा विकल सापकोटा र सदस्यहरुमा ऋषिराम लामिछाने, सावित्री तिम्सेना, बाबुराम कँडेल, गोमादेवी अधिकारी र पण्डित कुमोद प्रसाद काफ्ले रहनुभएको छ ।
साधारणसभाको अवसरमा निर्वाचन मण्डललाई धन्यवाद, सल्लाहकार समिति गठन, मनोनित सदस्य थप, पदेन सदस्य थप, लेखा समितिको मनोनयन लगायतका विषयमा छलफल गरिएको थियो ।