चितवन/नेपाल राष्ट्रिय भूपु सैनिक संघ भरतपुर १० क्षेत्र नम्बर तीन इकाई समितिको सभापतिमा तोयानाथ पौडेल चयन हुनुभएको छ । आज भरतपुरमा भएको संस्थाको प्रथम अधिवेशनले पौडेलको नेतृत्वमा १० सदस्य नयाँ कार्यसमिति चयन गरेको हो । त्यस्तै उपसभापतिमा शम्भुलाल पाख्रिन, सचिवमा कृष्णहरी न्यौपाने, सहसचिवमा रुद्र गौतम, कोषाध्यक्षमा कृष्णभक्त पौडेल चयन हुनुभएको छ । त्यस्तै सदस्यहरुमा लिलाधर आचार्य, गिरीराज श्रेष्ठ, काशिराज आचार्य, शालिकराम ढकाल र श्यामराज श्रेष्ठ चयन हुनुभएको छ । यस्तै अधिवेशनले पाँच सदस्य सल्लाहार समिति समेत चयन गरेको छ । सल्लाहारमा पुर्व प्रमुख सेनानी भूवनराज देवकोटा, मधुसुधन ढकाल, गोकुल सिंह राई, दधिराम देवकोटा र कुलबहादुर थापा रहनुभएको छ । अधिवेशनले आर्थिक प्रस्ताव र सम्बेदना सम्बन्धमा प्रस्तावना प्रस्ताव पास गरेको उपसभापति शम्भुलाल पाख्रिनले जानकारी दिनुभयो ।