भरतपुर/चितवन आसपास क्षेत्रमा विगत लामो समयदेखि मानव शरीरलाई स्वस्थ्य, तन्दुस्त राख्न महत्वपूर्ण भूमिका खेल्दै आएका जिम हाउसका सञ्चालकहरुको विशेष छलफलबाट अबका दिनदेखि “चितवन जिम व्यवसायी संघ”को नामबाट संघ दर्ता गरी अझ सशक्त रुपमा अगाडि निर्णय समेत गरियो । छलफलबाट तदर्थ समितिका अध्यक्ष एवम् जिम हाउसका प्रबन्ध निर्देशक प्रकाश गुरुङ्गको नेतृत्वमा संघ दर्ताको लागि प्रक्रिया अगाडि बढाउने निर्णय समेत गरिएको थियो ।

छलफलबाट संघ दर्तासँगै चितवन आसपास रहेको जिम हाउसहरुलाई एकतावद्ध बनाउँदै लगिने, जिम सञ्चालकहरुका समस्याहरुलाई समाधानको पहल गर्ने, समितिलाई चलायमान बनाउन प्रत्येक महिनाको पहिलो शनिबार नियमित बैठक राख्ने, संघ दर्ता लगत्तै २०८० सालको दशैं अगावै बडी बिल्डङ्ग प्रतियोगिता गर्ने निर्णय समेत गरिएको थियो ।
छलफलमा चितवन जिम हाउसका प्रमुख सल्लाहकार राकेशमान श्रेष्ठ, सल्लाहकार श्याम न्यौपाने, प्रेस सल्लाहकार राजु भट्ट, उपाध्यक्ष एवम् श्रेष्ठ जिम हाउस रत्ननगरका सञ्चालक इन्द्र बहादुर श्रेष्ठ, सचिव एवम् फिटफेशन गैंडाकोटका सञ्चालक चन्दन विश्वकर्मा, कोषाध्यक्ष सन्तोष लामा, कार्यसमिति सदस्य एवम् रिभाइल फिटनेश भरतपुर सञ्चालकका सुरज लामा लगायतको उपस्थिति रहेको थियो ।
छलफलमा सहभागी जिम हाउसका सञ्चालकहरुले आगामि दिनमा जिम हाउस सञ्चालकहरुको विशेष भेला गराई जिमका गतिविधिहरुलाई खेल मार्फत अगाडि बढाउन प्रतिवद्धता समेत गरेका थिए । सोही अवसरमा जिम सञ्चालकहरुले जिमसँग सम्बन्धित समस्याका बारेमा आ–आफ्ना धारणाहरु राखेका थिए ।