चितवन–गोरखा/नेपाल पत्रकार महासंघ चितवन शाखाले आफ्नो बार्षिक कार्यक्रम अन्तर्गत जिल्लामा रहेर पत्रकारिता गरिरहेका साधारण सदस्यहरुलाई विभिन्न चरणमा गरी अध्ययन अवलोकन भ्रमण कार्यक्रम सम्पन्न गरेको छ ।
महासंघले महिला पत्रकारहरुलाई पोखराका विभिन्न स्थान, पत्रकारितामा लाग्ने प्रेरणाका साथ केही नयाँ सोचका साथ अघि बढिरहेका नवआगन्तुक पत्रकारहरुलाई काठमाण्डौं र बर्षौदेखि पत्रकारिता क्षेत्रमा लामो अनुभव सम्हाली राष्ट्रिय तथा अन्तर्राष्ट्रिय जगतमा पत्रकारिता माध्यमबाट आफ्नो पहुँच बनाउँदै चितवनको पत्रकारिताका पाका पत्रकारहरुलाई गोरखाका विभिन्न स्थानहरुको अध्ययन अवलोकन भ्रमण गराइएको छ ।
नेपाल पत्रकार महासंघ चितवन शाखाका उपाध्यक्ष एवम् अध्ययन अवलोकन भ्रमण समितिका संयोजक प्रकाशमणी ज्ञवालीको नेतृत्वमा फागुन २२ गते चितवनबाट शुरु भएको अवलोकन भ्रमण मुग्लिङ–आँबुखैरहनी–गोरखा बजार–घ्याम्पेसाल–ताकुकोट–बालुवा हुँदै बारपाकमा पुगी रोकिएको थियो । सोही दिन पत्रकार महासंघ गोरखाका अध्यक्ष नरहरी सापकोटा लगायतको टोलीले चितवन शाखालाई १५ किलो गोरखामा स्वागत, बारपाक सुलिकोट गाउँपालिकाका अध्यक्ष बिष्णु भट्ट र उहाँको टोलीसँग ताकुकोटमा अन्तरक्रिया समेत गरिएको थियो ।
त्यस्तै भ्रमणको दोश्रो दिन फागुन २३ बारपाकबाट–बालुवा–ढोडेनी–सिम्जुङ–भच्चेक–लिगलिगकोट–तुरतुरे–डुम्रे मुग्लिङ हुँदै भरतपुर सम्मको यात्रा तय गरिएको थियो । सोही दिन भरतपुर महानगरको आयोजनामा बारपाकमा विपद् सम्वन्धी अन्तरक्रिया (प्रशिक्षण), सिम्जुङका स्थानीय गुरुङ समुदायको स्वागत कार्यक्रम, अजिरकोट गाउँपालिकाका अध्यक्ष दिपक देवकोटाको टोली तथा गाउँपालिकाका सदस्यहरुसँग अन्तरक्रिया, गोरखाको लिगलिगकोटको स्थलगत अवलोकन, ईच्छाकामना गाउँपालिकाका अध्यक्ष अध्यक्ष दानबहादुर गुरुङलगायतको टोलीसँग मुग्लिनमा बिशेष भेटघाट कार्यक्रम समेत गरिएको थियो ।
चालक दलका ४ जना सदस्य सहित ५६ जनाको अध्ययन अवलोकन भ्रमणबाट सहभागी पत्रकारहरुले गोरखाको भौगोलिक एवम् साँस्कृतिक विविधताका बारेमा चासोका साथ जानकारी लिदै भ्रमण अविस्मरणीय भएको बताएका थिए ।