जुगेडी/न्यू स्टार क्लवको १३ औं वार्षिक साधारणसभा एवम् तेश्रो अधिवेशन सम्पन्न भएको छ ।
न्यू स्टार क्लवका अध्यक्ष नविन गुरुङको अध्यक्षमा सम्पन्न वार्षिक साधारणसभा एवम् तेश्रो अधिवेशनमा न्यू स्टार क्लवका संस्थापक अध्यक्ष चिज कुमार गुरुङ प्रमुख अतिथि रहनुभएको थियो ।
प्रमुख अतिथि गुरुङले १३ वर्षअघि सामाजिक कार्य गर्ने उद्देश्यले स्थापना गरिएको क्लवको शुरुवाती समय निकै संघर्षपूर्ण रहेको र अहिलेको प्रविधियुक्त युगमा पुराना क्लवहरुलाई जोगाएर अगाडि बढ्नु पर्ने बताउनुभयो ।
त्यस्तै कार्यक्रमका विशिष्ट अतिथि उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष एवम् प्रधान सम्पादक राजु भट्टले चितवनमा स्थापना भएका कयौ क्लवहरु बन्द भईसकेका र न्यू स्टार क्लव हालसम्म क्रियाशिल रहेको प्रति क्लवमा आवद्ध संस्थापक एवम् वर्तमान समितिलाई धन्यवाद समेत व्यक्त गर्नुभयो ।
न्यू स्टार क्लवका अध्यक्ष नविन गुरुङले बार्षिक कार्यप्रगति प्रतिवेदन र कोषाध्यक्षको अनुमतिमा बार्षिक आयव्यय प्रस्तुत समेत गर्नुभएको थियो । सोही अवसरमा अध्यक्ष गुरुङले आफ्नो नेतृत्वमा रहेको समितिलाई भङ्ग गरी नयाँ समिति चयनको लागि आग्रह समेत गर्नुभएको थियो ।
नवनिर्वाचित समितिको अध्यक्षमा कर्ण बहादुर गुरुङ, उपाध्यक्षमा युवराज गुरुङ, कोषाध्यक्षमा तिरु गुरुङ, सचिवमा तारा गुरुङ, उप–सचिवमा विकास गुरुङ, सदस्यहरुमा सुदिप गुरुङ, मालती गुरुङ, मेलिना गुरुङ, पुजन पुन मगर, डोलराज गुरुङ, अनिल गुरुङ रहनुभएको छ ।
त्यसैगरी क्लवमा ८ जनाको सल्लाहकार समिति समेत चयन गरिएको छ । सल्लाहकार समितिका सदस्यहरुमा नविन गुरुङ, चिज कुमार गुरुङ, राज कुमार गुरुङ, देव गुरुङ, चक्र बहादुर गुरुङ, आइतबहादुर गुरुङ, प्रकाश गुरुङ, देउ बहादुर गुरुङ रहनुभएको छ ।
न्यू स्टार क्लवकी सचिव सुष्मा गुरुङले सञ्चालन गर्नुभएको कार्यक्रमलाई नवनिर्वाचित अध्यक्ष कर्ण बहादुर गुरुङले प्रतिवद्धता मन्तव्य सहित कार्यक्रमको समापन गर्नुभएको थियो ।
पत्रकार भट्ट सम्मानित ः

न्यू स्टार क्लव जुगेडीको स्थापनाकालदेखि नै सल्लाह, सहयोग र सुझाव प्रदान गर्दै भरतपुर महानगरपालिका वडा नं. २९ को पर्यटन, साँस्कृतिक, धार्मिक विषयहरुमा कमल चलाउँदै समाजका विकृति, विसंगतिहरुलाई चिर्दै पत्रकारिता क्षेत्रबाट आफ्नो छुट्टै पहिचान दिन सक्नु भएको भन्दै क्लवको बार्षिक साधारणसभा एवम् अधिवेशनको अवसरमा भरतपुर महानगरपालिका वडा नं. २९ निवासी पत्रकार राजु भट्टलाई एक कार्यक्रमका बीच सम्मान गरिएको छ । कार्यक्रमका अध्यक्ष नरबहादुर गुरुङ र कार्यक्रमका प्रमुख अतिथि चिज कुमार गुरुङले सम्मान पत्रद्वारा भट्टलाई सम्मान गरिएको ।