भरतपुर स्थित धावन रिक्रियसन सेन्टरमा सम्पन्न उक्त बैठकले नेपाल जेसीज एंव सबै शाखाका अध्यक्ष एंव पदाधिकारीज्युहरुलाई बधाई ज्ञापन गर्ने, नारायणगढ जेसीजको आतिथ्यता तथा सम्पुर्ण वरीपरीका शाखाहरुको सहआयोजनामा ‘Multi Chapter Parliamentary Meeting Procedure Training’बाट तालिम शृंखला सुरु गरी विभिन्न शाखाहरुले निरन्तरता दिने, गैँडाकोट जेसीजको आतिथ्यतामा बनभोज कार्यक्रम आयोजना गर्ने निर्णय गरेको छ भने संयुक्त जेसीज सप्ताहको संभाव्यता अध्ययन गर्नका निम्ती समिति पनि गठन गरेको छ।

उक्त ‘Multi Chapter Meeting’मा नारायणगढ लेडी जेसीजकी अध्यक्ष जेसी सुष्मीता श्रेष्ठ, रत्ननगर जेसीजका अध्यक्ष जेसी अमित कुमार गुप्ता, गितानगर जेसीजका अध्यक्ष जेसी सन्तोष लामीछाने,जेसीआई सौराहाका अध्यक्ष जेसी शुरेश शर्मा भुषाल, सौराहा लेडी जेसीजकी अध्यक्ष जेसी मंजु चौधरी, पर्सा खैरहनी जेसीजका अध्यक्ष जेसी सुरज नेपाल,जेसीआई रजहरका अध्यक्ष जेसी शोभा मुखिया कोईराला, गैँडाकोट जेसीजका अध्यक्ष जेसी रोजन घिमिरे,जेसीआई राप्तीका अध्यक्ष जेसी सुजन थापा, जेसीआई शारदानगरका अध्यक्ष जेसी लक्ष्मी प्रसाद सापकोटा, जेसीआई देवचुलीका अध्यक्ष जेसी गणेश सापकोटा एंव माडी जेसीजको नेतृत्व गर्दै निवर्तमान अध्यक्ष जेसी शोभाखर अधिकारीज्युको सक्रिय सहभागिता रहेको थियो भने विभिन्न शाखाहरुवाट संचालक समितिका अन्य पदाधिकारीज्युहरुको पनि उल्लेख्य सहभागीता थियो।

बैठकमा कानुनी सल्लाहकारका रुपमा नारायणगढ लेडीकी अध्यक्ष जेसी सुष्मिता श्रेष्ठ, महासचिवका रुपमा सौराहाका अध्यक्ष जेसी सुरेश शर्मा भुषाल र कोषाध्यक्षका रुपमा कालिकाका अध्यक्ष जेसी कृष्ण पौडेलले भुमिका निर्वाह गर्नु भएको थियो।

स्वागत मन्तव्य जेसीआई रत्ननगरका अध्यक्ष जेसी अमित कुमार गुप्ताले राख्नु भएको थियो भने जेसीआई राप्तीका अध्यक्ष जेसी सुजन थापाले धन्यवाद ज्ञापन गर्नु भएको थियो। बहुशाखा बैठकको आयोजना विभिन्न शाखाहरुले पालैपालो गर्दै जाने गरी योजना बनाईएको छ।