भतेरी/ चितवन भरतपुर महानगरपालिका २९ भतेरीमा आयोजित यही माघ २१ देखी २८ गत्ते सम्म हुने भतेरी युवा क्लवद्वारा आयोजित प्रथम स्वो. दिपक, इन्द्र, राजकुमार्, टेक बहादुर्, तेज बहदुर स्मृती कपको समय र स्थान तोकी खुल्ला नकाउट फुट्बल प्रतियोगिता शुरु हुने भएको छ ।
२८ गत्ते सम्म हुने प्रतियोगिताका खेलहरु भरतपुर २९- स्थित भतेरीको ट्री हाउस नामक खेल मैदानमा बिहान ११ बजे देखी शुरु हुनेछ । प्रतियोगितामा सहभागी हुन यही माघ १९ गत्ते सम्म टीम दर्ता गरिसक्नु पर्नेछ टीम दर्ताको लागि रु, ५००० लाग्ने आयोजकले जनाएको छ ।
खेल फिफाको नियम अनुसार खेलाइने छ खेलाडीहरु समयमा उपस्थित नभएको खण्डमा आयोजकको नियम अनुसार अर्को टिमलाइ नेटबल दिईने क्लवका संयोजक अन्जित गुरुङले दाहाखानीखबरलाई जानकारी दिनुभयो । प्रतियोगिताको विजेताले ५१ हजार १ सयका साथमा ट्रफी, मेडल्, प्रमाणपत्र तथा उपविजेताले २५ हजार ५५० साथमा ट्रफी, मेडल्, प्रमाणपत्र प्राप्त गर्नेछ । यस्तै विधागत उत्कृष्ट खेलाडीहरुलाई पनि पुरस्कारको व्यवस्था गरिएको गुरुङ्ले जानकारी दिए ।
अन्य पुरस्कारहरुमा प्रतियोगिताका उत्कृष्ठ खेलाडीलाई मेडल प्रमाणपत्र ट्रफी सहित नगद रू २५०० त्यस्तै उत्कृष्ट डिफेन्सलाई २५०० साथमा ट्रफी, मेडल्, प्रमाणपत्र त्यस्तै उत्कृष्ट रक्षकलाई २५०० ट्रफी, मेडल्, प्रमाणपत्र का साथै उत्कृष्ट उच्च गोल कर्तालाई पनि २५०० ट्रफी, मेडल्, प्रमाणपत्र दिनेछन । प्रतियोगितमा म्यान अफ द म्याच खेलाडीलाई नगद रू ५०० दिइने छ।
