भरतपुर /भरतपुर महानगरपालिकाको शैक्षिक प्रशासन महाशाखाले आयोजना गरेको महानगरस्तरीय नृत्य प्रतियोगितामा सिद्धिविनायक माध्यमिक विद्यालय प्रथम भएको छ । नारायणी कला मन्दिरमा भएको प्रतियोगितामा सहभागी १९ विद्यालयमध्ये भरतपुर–११ मा रहेको सिद्धिविनायकले प्रथम स्थान हासिल गर्दै नगद १५ हजार रूपैयाँ र ट्रफि जितेको छ ।
Advertisement
भरतपुर–१२ मा रहेको ग्रीनल्याण्ड पब्लिक स्कुल दोस्रो र भरतपुर–२१ पार्वतीपुरमा रहेको अन्नपूर्ण माध्यमिक विद्यालयले तेस्रो स्थान हासिल गर्दै क्रमशः १२ हजार र १० हजारसँगै ट्रफि जितेको महानगरपालिकाको शैक्षिक प्रशासन महाशाखा प्रमुख महेन्द्रप्रसाद पौडेलले जानकारी दिए ।
यस्तै भरतपुर–१९ स्थित किरण अमरजंग गुरूङ माध्यमिक विद्यालयले सान्त्वना स्थान हासिल गर्दै नगद तीन हजार र ट्रफि जितेको उनले बताए । उनका अनुसार महानगरभित्र रहेका पाँच वटा स्रोत केन्द्रबाट छनौटमा परेका १८ विद्यालयलाई प्रतियोगितामा महानगरस्तरीय प्रतियोगितामा सहभागी गराइएको थियो । यसअघि स्रोत केन्द्रले पनि प्रतियोगिता नै आयोजना गरेर पहिलो, दोस्रो र तेस्रो स्थान हासिल गरेका विद्यालयलाई महानगरस्थरीय प्रतियोगितामा सहभागी गराइएको उनले बताए ।
