भरतपुर/ नेपाल रेडक्रस सोसाइटी गितानगर उप शाखाको ३२ औ बार्षिकोत्सब तथा २३ औ साधारणसभा एवं ७ औ अधिबेशन मगलबार सम्पन्न भएको छ । भरतपुर महानगरपालिकाका उप प्रमुख चित्रसेन अधिकारीले उक्त कार्यक्रमको समुद्वघाटन गर्नु भएको हो । साथै उप शाखा हाता भित्र निर्माण गरिएको हेनरी ड्युनाको अर्ध शालिकको पनि एक भब्य कार्यक्रमका बिच उप प्रमुख अधिकारीले अनावरण गर्नु भयो । कार्यक्रमको उद्वघाटन तथा अर्ध शालिकको अनावरण गर्नु हुँदै उप प्रमुख अधिकारीले हेनरी ड्युनाको त्याग कै कारण आज रेडक्रस जस्तो पबित्र सस्थाले समाजमा रगतको अभाव हुन बाट जोगाएको बताउनु भयो ।

समाजमा दिन प्रती दिन रगतको माग बढ्दै गएको अवस्थामा रेडक्रसले केही हद सम्म भए पनि आमनागरिकलाई अकाल मृत्यु हुन बाट बचाएको समेत प्रष्ट पार्नु भयो । मेडिकल हबको रुपमा बिकास हुँदै गएको चितवनमा रगतको अभाव हुन नदिनको लागि रेडक्रसले पुलको काम गरिरहेकोमा खुशी प्रकट गर्नु भयो । बिश्वमा रेडक्रसको स्थापना भए देखि लाखौं मानिसहरु मृत्युको मुखबाट फिर्ता आएको स्मरण गर्दै उप प्रमुख अधिकारीले रेडक्रसका सात आधारभुत सिद्धान्तहरुलाई हामीले कहिल्यै पनि भुल्न नहुने तर्क राख्नु भयो । रेडक्रस सबैको साझा थलो हो उप प्रमुखले भन्नू भयो,मानबले मानबको लागि मानवीय व्यबहार गर्न सबैमा प्रेरणा मिलोस भन्ने पनि कामना गर्नु भयो । कार्यक्रममा वडा न ६ का अध्यक्ष कृष्णलाल श्रेष्ठ, कार्यपालिका सदस्य शारदा पोख्रेल लगाएतले मन्तव्य राख्नु भएको थियोे ।