चितवन /रोटरी क्लब अफ नारायणी मिट टाउन र रोटर्याक्ट क्लब अफ नारायणी मिड टाउनकोे संयुक्त आयोजनामा बृहत रक्तदान कार्यक्रम सम्पन्न भएकोे छ। रगत अभावलाइ मध्यनजर गर्दै मानवको जीवन रक्षा गर्ने उद्देश्यले कार्यक्रम गरिएको हो।चितवन महोत्सव परिसरमा शनिबार आयोजना गरिएको रक्तदान कार्यक्रममा ५३ जना रक्तदाताहरुले रगत दान गरेका छन्।
अस्पतालका शैयामा कैयौं बिरामीहरु रगतको अभाव भई मृत्युु सम्म हुने गरेकोले त्यो नहोस भन्नका लागि कार्यक्रम आयोजना गरिएको रोटर्याक्ट क्लब अफ नारायणी मिड टाउनका अध्यक्ष हरि बहादुर बि।क ले बताउनु भयो। उहाले रक्तदान कार्यक्रम विभिन्न क्लबहरु मिलि आपसी समन्वयमा बेला बेला गरिरहनुपर्ने आवस्यकता रहेको औल्याउनुभयो।
रोटरी क्लब अफ नारायणी मिट टाउनकी अध्यक्ष स्वेता उपाध्यायको अध्यक्षतामा सम्पन्न कार्यक्रममा एसिस्टेन्ट गर्भनर जोन ३३ ,आर आई डिस्ट्रीक्ट ३२९२ नेपाल–भुटानका सुरेश सेन ठकुरीको प्रमुख अतिथि रहनुभएको थियो। कार्यक्रमका प्रमुख अतिथि सुरेश सेन ठकुरीले आफ्नो अमूल्य रगत दान दिएर अरू कसैको जीवन बचाउने कार्य गरेकोमा सम्पूर्ण रक्तदातालाई धन्यवाद दिँदै नियमित रुपमा रक्तदान गर्न समेत सबैलाई आग्रह गर्नुभयो।
त्यस्तै कार्यक्रम संयोजक कृष्ण तिवारीले रगत दानभन्दा ठूलो अरू दान हुन नसक्ने बताउदै आगामी दिनमा समेत आयोजना हुने यस्ता कार्यहरुमा सहयोग गर्न अनुरोध गर्नुभयो। उहाले कार्यक्रममा आफ्नो अमूल्य रगत दान गर्ने रक्तदाता , भौतिक सहयोग गर्ने लगायत अन्य सहयोगी महानुभावहरूलाई धन्यवाद दिदै भविष्यमा समेत यस्तै सहयोगको अपेक्षा ब्यक्त गर्नुभयो।
कार्यक्रमा रोटरी क्लब अफ् नारायणी मिट टाउनकी अध्यक्ष स्वेता उपाध्यायले “रगतको अभावमा विरामीको अकालमा ज्यान नजाओस र ज्यान बचाउन सकियोस भन्ने उद्देश्यका साथ रक्तदान कार्यक्रम आयोगजना गरिएको बताउनु भयो।कार्यक्रको सहजिकरण रोटरी क्लब अफ नारायणी मिट टाउनका सचिब दिपेस क्षेष्ठले गर्नुभएको थियो।
कार्यक्रममा नेपाल रेडक्रस सोसाईटी नारायणगढ शाखाका अध्यक्ष राजकुमार गुप्ता, रामेश्वरी छत्र छायाँ हेल्पिङ हेन्ड फउडेसनका अध्यक्ष छायाँ क्षेष्ठ, जोन ३५ का एजि असिस भण्डारी , रिजन ६ का डिस्ट्रीक्ट ज्वाईन सेक्रेटरी निरन्जन प्रधान , रिजन ६ का डिस्ट्रीक्ट टेनर नारायण प्रधान, रोटरी क्लब अफ नारायणी मिट टाउनकाका प्रथम उपाध्यक्ष भुपेन्द्र श्रेष्ठ, रोटरी क्लब अफ नारायणी मिट टाउन र रोटर्याक्ट क्लब अफ नारायणी मिड टाउनकोे बोर्ड मेम्बरहरु र रोटरी क्लब अफ नारायणी मिट टाउनका पुर्व अध्यक्षहरुको उपस्थिति रहेको थियो।
