भरतपुर/सौन्दर्यकर्मी सङ्गठन, नेपाल भरतपुर महानगरपालिका कमिटि र पायस कस्मेटिकको सहकार्यमा यही पुस २३ गते बाट सुरु भएको तीनदिने फ्री मेकअप र रसियन हेयरस्टाइल सेमिनार समापन भएको छ ।
भरतपुर महानगरपालिका क्षेत्र भित्र रहेका व्यावसायिक तथा इच्छुक सौन्दर्यकर्मी करिव ६० जना महिलाहरु सहभागी रहेको सेमिनारको समापन गरिएको हो । समापन कार्यक्रममा सौन्दर्यकर्मी सङ्गठनका केन्द्रीय उप महासचिव बालकुमारी रानाभाट प्रमुख अतिथी रहनु भएको थियो भने प्रदेश कमिटी अध्यक्ष सुष्मा तामाङ, जिल्ला अध्यक्ष सीता गुरुङ लगायतको सहभागिता रहेको थियो ।
तीनदिन सम्म चलेको सेमिनारलाई प्रशिक्षण रिना थापा र सौन्दर्य कलालाई आबश्यक हुने सामान र उत्पादनका बिषयमा अभिमन्यु ट्रेडसका संचालक सुमि सिंहले सहजीकरण गर्नुभएको थियो । सोही कार्यक्रममा सहभागीहरु मध्ये बाट प्रथम, दोश्रो र तेस्रो हुने सहभागी लाई पुरस्कार बितरण गरिएको थियो भने सहभागी सबै लागि प्रमाणपत्र बितरण गरिएको हो । बिमला तामाङ र मिरा महत्तोले संचालन गर्नु भएको समापन समारोहको सभापतित्व सौन्दर्यकर्मी सङ्गठन, नेपाल भरतपुर महानगरपालिका कमिटीका अध्यक्ष लक्ष्मी अम्गाइले गर्नु भएको हो । यसैबिच शनिबार सुरु भएको सेमिनार कार्यक्रममा सौन्दर्यकर्मी सङ्गठनका केन्द्रीय सचिव द्वय अनिता आचार्य र राधिका थापाको समेत सहभागीता रहेको संगठनले जनाएको छ ।
