चितवन/नेपाल मगर साँस्कृतिक संघ जिल्ला समिति चितवनको प्रथम मौलिक कौराहा (कानराहा) प्रतियोगितामा चन्द्र एकता मगर समाज भरतपुर २ क्षेत्रपुर प्रथम भएको छ।संघले पहिलो पटक आयोजना गरेको प्रतियोगितामा ६ वटा समुहलाई पछि पार्दै ३ सय १७ अंकका साथ चन्द्र एकता मगर समाज प्रथम हुन सफल भएको हो । प्रथम हुने समुहले नगद २५ हजार शिल्ड र प्रमाण पत्र प्राप्त गरेको छ ।यस्तै ३ सय ९ अंकका साथ सालीभेना साँस्कृतिक समुह गैडाकोट २ द्धितिय भएको छ। द्धितिय समुहले नगद १० हजार र प्रमाण पत्र प्राप्त गरेको छ। यस्तै २ सय ८९ अंकक साथ नेपाल मगर संघ खैरहनी नगर समिति तितृय भएको छ ।तृतिय समुहले नगद १० हजार र प्रमाण पत्र प्राप्त गरेको छ । खैजडी सहित प्रत्यक्ष नाचगानमा सहभागि चितवनको ६ र गैडाकोटको १ गरी  ७  समुह मध्ये लाफा आमा समुह गैडाकोट, धर्मोदय मगर समाज कृष्णपुर, झेर्नी मगर समाज शरतपुर (ख), नेपाल मगर संघ रत्ननगर नगर समितिलाई भने सहभागिताको प्रमाणपत्र प्रर्दान गरीएको छ ।

नेपाल मगर संघ बागमति प्रदेश साँस्कृतिक संघका अध्यक्ष बल विक्रम थापा, आस्था कला केन्द्र नेपाल मगर संघ भरतपुर ११ का अध्यक्ष लिला थापा, जनजाति पत्रकार महासंघ (फोनिज) चितवनका अध्यक्ष रमेश रानामगर,लोक दोहोरी गायिका बविता मगरले निर्णायको भुमिका निर्वाह गर्नु भएको थियो ।साँस्कृतिक कार्यक्रम अघि औपचारीक कार्यक्रममा बोल्दै कार्यक्रमका प्रमुख अतिथि भरतपुर ७ का वडा अध्यक्ष राजेन्द्रमणी काफ्लेले नेपाल एकिरणका बेला योगदान पुर्याएका प्रथम सहिद लखन थापालाई स्मरण गर्दै मगर समुदाय इमानदार जाति भएको बताउनु भयो । उहाले मगर समुदायको संस्कार र संस्कृति संरणका लागी आगामी दिनमा अझ व्यवस्थित बनाउदै लैजाने बताउनु भयो । कार्यक्रमका विशिष्ठ अतिथि नेपाल आदिवासी जनजाति महासंघ चितवनका अध्यक्ष महेन्द्र दुराले आदीवासी जनजाति महासंघले उठाउदै आएको मुद्धा केही भए पनि सम्बोधन भएको बताउनु भयो ।

यो कार्यक्रमको लागि भरतपुर ७ नम्बर वडाबाट ‘जनजाति उत्थान’ कार्यक्रमअन्तर्गत नगद एक लाख रूपैयाँ र प्रथम पुरस्कार मेकबहादुर आलेमगर र तृतीय पुरस्कार नारायणी दोहोरी साँझ तथा नेपाली चुल्होले प्रायोजन गरेका थिए । प्रथम हुने समुहले नेपाल मगर संघ चितवनको प्रतिनिध्व गर्दै चितवन महोत्वसमा सहभागिता  जनाउन पाउने भएका छन् भने मगर संघ चितवनको फागुन १५ गते हुने बार्षिकोत्वसको अवसरमा प्रथम पुरस्कार सौजन्य गर्ने मेक बहादुुर आले मगरले सोही समुहमा सोही गीतमा संगै नाचेर थप ३० हजार प्रर्दान गर्ने भएको छ । कार्यक्रमको अन्त्यमा दोहोरी गायक निश्चल मगर र बबिता मगरले प्रत्यक्ष दोहोरी गाउनु भएको थियो भने कौराहा गायक बलबिक्रम थापामगरले कौराहा, झ्याउरे गीत मार्फत मनोरञ्जन प्रर्दान गर्नु भएको थियो  । नेपाल मगर संघ चितवनका सचिव देउकुमार थापाले औपचारीक कार्यक्रम र नेपाल मगर पत्रकार संघ चितवनका अध्यक्ष आशिक राना र नेपाल मगर साँस्कृतिक संघ चितवनकी सह सचिव मुना लम्तरी मगरले अनौपचारीक कार्यक्रम सन्चालन गर्नु भएको थियो ।