गैंडाकोट/पछिल्लो समय कोरोनाको कारण देशै लकडाउनको अवस्थामा रहेकोले दैनिकरुपमा जीवन नै असहज भएको भन्दै गैंडाकोट २ निवासी गिता घिमिरेले आफ्नो घरमा भाडामा बस्नेहरुलाई चैत्र र बैशाख महिनाको भाडा मिनाहा गर्नुभएको छ ।
गैंडाकोट वडा नम्बर २ अन्तरगत एस पि एम कलेजको नजिकै घर भएकी गिता घिमिरेले चैत्र र बैशाख महिनाको भाडा छुट दिनुभएको हो । उहाँको घरमा बस्दै दुई परिवारलाई मासिक रुपमा तिर्नुपर्ने दुइ महिनाको भाडा छुट गर्नुभएको हो ।
विभिन्न सामाजिक संघ संस्थामा महत्वपूर्ण भूमिका निर्वाह गर्दै आउनुभएकी गिता घिमिरेको यो कार्यप्रति आफ्नो प्रतिक्रिया दिदैं घर भाडामा बस्नेहरुले उहाँको सामाजिक कार्यले आफूहरुलाई ठूलो राहत मिलेको बताउनुभयो । बैदेशिक रोजगारीमा रहनुभएका उहाँका श्रीमान रामु कुमार घिमिरेले आफ्नो घरमा भाडामा बस्नेहरुको घरभाडा मिनाहा गर्न पटक पटक फोन मार्फत भनेकोले पनि आफूहरुले दुइमहिनाको भाडा छुट गरेको बताउनुभयो । उहाँले यो माहामारीको समयमा जसले जहाँबाट सक्छ त्यहीबाट सहयोग गर्न आग्रह गर्नुहुदै समस्यमा परेका मानिसहरुलाई सहयोग गरे मात्रै साँचो अर्थमा धर्म हुने बताउनुभयो ।
घिमिरेको यो सत्कर्मले अन्य घरधनिलाई प्रेरणा मिल्ने पनि घर भाडामा बस्नेहरुले बताएका छन्
