चितवन/निर्माण व्यवसायीहरुकाे एकमात्र दिवस निर्माण दिवस हरेक वर्ष जस्तै यसवर्ष समेत देशभर विभिन्न कार्यक्रमहरु गरि मनाईएकाे छ। ७७ वटै जिल्लामा जिल्ला संघहरुले आ आफ्नै कार्यक्रमहरु गरि मनाईरहँदा निर्माण व्यवसायी संघ चितवनले भने देवघाटधाम तनहुँमा आश्रीत वृद्दवृद्दाहरुका लागि अत्याधुनिक स्नानगृह वनाउने संकल्पका साथ आज देवघाटधाममा एक कार्यक्रम गरि सिलान्यास गरेकाे छ।
हरेक वर्षकाे मंसिर २२ गतेवाट एकहप्तासम्मनै विभिन्न कार्यक्रम गरि निर्माण दिवस मनाउन सकिने कुरा संघका महासचिव पुष्कर अधिकारीले वताए। नेपाल निर्माण व्यवसायी महासंघका केन्द्रीय अध्यक्ष रवि सिंह र जिल्ला अध्यक्ष केशवप्रसाद लामिछानेले संयुक्त रुपमा स्नानगृहकाे सिलान्यास गरेका थिए।
नेपाल सरकारका सचिव केशव शर्माकाे विशेष पहलमा निर्माण व्यवसायी काेषमा रहेकाे रकमवाट पन्ध्र लाख रकम उक्त स्नानगृहमा खर्च गरिने महासंघका अध्यक्ष सिंहले वताउनुभयाे। कार्यक्रममा महासंघका उपाध्यक्ष मुकेश पन्त, महासचिव राेशन दाहाल र देवघाट क्षेत्र विकास समितिका अध्यक्ष वद्रि अधिकारीले मन्तव्य राख्नुभएकाे थियाे।नियमित कार्यक्रम अन्तर्गत संघले हिजाे २२ गते देवघाटमा आश्रीत वृद्दवृद्दाहरुलाई भाेजन खुवाउने कार्य गरेकाे थियाे। जिल्ला अध्यक्ष केशवप्रसाद लामिछानेकाे अध्यक्षतामा तथा महासंघका केन्द्रीय अध्यक्ष रवि सिंहकाे प्रमुख आतिथ्यतामा कार्यक्रम सम्पन्न भएकाे छ ।
