रत्ननगर/नेपाल युवा रेडक्रस सर्कल एकता शिशु निकेतन रत्ननगर १० को आयोजनामा शुक्रवार रक्तदान कार्यक्रम गरिएको छ । सो कार्यक्रममा ५३ युनिट रगत संकलन भएको छ । रगतको अभावलाई मध्यनजर गरी आयोजना गरिएको सो कार्यक्रममा ७ जना महिला सहित ५३ जनाले रक्तदान गरेको विद्यालयका प्राचार्य वालहरि देवकोटाले जानकारी दिए ।

एकता रेडक्रस सर्कलकी अध्यक्ष समृद्धि लौडारीको अध्यक्षतामा भएको कार्यक्रममा प्रमुख अतिथि समेत रहेका नेपाल रेडक्रस सोसाइटी चितवनका सभापति ज्ञानशाली न्यौपाने, रत्ननगर रेडक्रसका सभापति गोविन्द श्रेष्ठ, वडा नं १० का अध्यक्ष कलाधर पौडेल, विद्यालय शिक्षक अभिभावक संघका अध्यक्ष एकनाथ आचार्य लगायतले मन्तव्य राखेका थिए । शिक्षक नायक दामोदरी चालिसे स्वागत मन्तव्य राखेका कार्यक्रम सह शिक्षक नायक तनु मल्ले सञ्चालन गरेकी थिइन ।