भरतपुर/प्रतिनिधिसभा र प्रदेशसभाको चुनाव नजिकिँदै गर्दा ‘नेपाली जनता’ बोलको गीत सार्वजनिक भएको छ । चुनावमा असल र राम्रो मान्छे छनोट गरेर मतदान गर्न प्रोत्साहन गरेको यस गीतलाई चितवनको पहिलो रेडियो सिनर्जी एफ. एम.मा एक कार्यक्रमका बिच सार्वजनिक गरिएको हो। उद्योग बाणिज्य संघ चितवनका पूर्व अध्यक्ष समेत रहनु भएका सिनर्जी एफ.एमका संचालक सहनलाल प्रधानको शब्द, संगीत रहेको गीतमा स्वरमा प्रधानलाई शिरीष बिक्रम थापा, सृजना गुरुङ, प्रस्तावना कैनीले साथ दिएका छन । सामाजिक संजालमा भने रेबल क्रीयसनको युट्युब च्यानल बाट यो गीत हेर्न सकिन्छ । प्रधानले गीत सुन्नुका साथै शब्दको भाव बुझेर मतदान गर्न सबैमा आह्वान गर्नु भएको छ ।
उनले भने—‘मतदाता लाई हाम्रो होइन राम्रो रोज्न अनुरोध गर्दै गीतले रास्ट्रको मुद्दामा लड्न सकने असल र इमानदार मानिस पहिचान गर्न मतदातालाई प्रेरित गरेको छ ।’ समसामयिक विषयमा गित रचना गर्न रुची राख्ने प्रधानले संगीत दिएका दुई दर्जन बढी गीत सार्वजनिक भइसकेका छन ।
२ दशक अघि सार्वजनिक भएको चितवनको परिचय झल्काउने नारायणीको पानी जस्तै संग्लो चितवन गीत अहिले पनि चर्चित छ।उनको प्रिय तिमि केहि बोलिदेउ, कोहो मलाई, लुकी लुकी आऊ, आकाशैमा कैलो मैलो जस्ता गीतहरु आज सम्म पनि स्रोताले रुचाउँछन । रेडियो बाट गीत संगीतको विकासमा सिनर्जी राइजिंग स्टार शो मार्फत जिल्लामा नयाँ कलाकारको खोजी गर्न पनि प्रधानले महत्त्वपूर्ण भूमिका निर्वाह गरेका थिए ।

बोल ःनेपाली जनता नजुक्किउ अब
गीतको शब्द
नेपाली जनता नझुक्कीउँ अब हामी
इमानदार सपूत यसपालि पठाउँ छानी छानी
एउटैलाइ पटक पटक हेरियो
अबको जÞिम्मेवारी नया पुस्ताको

दलभंदा माथि कोही उठेनन
हाम्रो भंदा राम्रो मांछे खोजेनन
झुठो आश्वासनमा बिश्वास नगरौं
यसपाली त आफनै विवेक प्रयोग गÞरौं

विकास र समृद्धिको बन्यो नारा मात्र
देश बनाउन सक्ने खोजौं एउटा पात्र
अति नै भयो अब बेथिति कुकृत्य
अजिको आवश्यकता युवा नेतृत्व

शब्द र संगीत ः सहनलाल प्रधान
स्वरः सहनलाल प्रधान,शिरीष बिक्रम थापा
सृजना गुरुँगÞ,प्रस्तावना कैनी